Më 22 qershor 1936, ndërsa ngjiste shkallët e Universitetit të Vjenës, filozofit Moritz Schlick, iu afrua një farë Johann Nelböck, një ish-student i tij, i cili kontestonte tezat e mbështetura nga Schlick në një ese.
Kur Schlick filloi të kundërshtonte, protestuesi nxori një armë dhe e goditi atë fatalisht.
Studenti u gjykua menjëherë, por klima e përhapur antisemitike e shndërroi atë në një hero arian, që kishte vepruar kundër filozofisë së pashpirt të Klubit të Vjenës.
Klubi i Vjenës ishte një grup filozofësh dhe shkencëtarësh të tërhequr nga shkencat natyrore dhe shoqërore, logjika dhe matematika, të cilët takoheshin rregullisht çdo javë, nga 1924 deri në 1936, në Universitetin e Vjenës.
Schlick do ta kryesonte. Vrasja e tij do të shënonte arratisjen e anëtarëve drejt Mbretërisë së Bashkuar dhe SHBA-ve, dhe fundin e Klubit.
Nelböck ndërkohë, argumentoi në gjyq se ish-mësuesi i tij kishte promovuar një filozofi hebre të dyshimtë.
Vrasësi u lirua nga burgu në 1938 dhe pas Anschluss-it (bashkimi politik mes Gjermanisë dhe Austrisë, i arritur nga aneksimi që bëri Adolf Hitler në 1938), ai u bë anëtar i Partisë Kombëtare Socialiste Austriake.
Në 1922, Schlick ishte emëruar profesor i filozofisë së shkencave induktive në Universitetin e Vjenës.
Në ato vite dy ngjarje do t’i ndryshonin jetën: në 1921 botimi i Tractatus logico-philosophicus i Ludwig Wittgenstein dhe më 1924 krijimi i Klubit të Vjenës.
Grupi i filozofëve dhe shkencëtarëve që u mblodhën rreth Schlick-ut në këtë Klub, e bënë diskutimin rreth tekstit të Wittgenstein-it, temën kryesore të takimeve të tyre.
Megjithëse teoritë e Wittgenstein-it diskutoheshin nga Klubi, filozofi austriak nuk mori pjesë kurrë në aktivitetet e grupit.
Në vitet tridhjetë, Schlick përcaktoi konceptimin e tij të gjuhës dhe dha formulimin zyrtar të parimit të verifikimit, ose verifikueshmërisë, sipas të cilit një propozim ka kuptim nëse, dhe vetëm nëse, është i verifikueshëm.
Kështu ai themeloi neo-empirizmin, i cili dallohej nga ai tradicional, sepse propozonte të analizonte shprehjen, kundrejt aftësive njerëzore.
Schlick njohu te Sokrati babanë e filozofisë, sepse ai kërkonte kuptimin e fjalive themelore për sjelljen morale të njeriut, një kuptim i cili atëherë si sot i dukej i pasigurtë dhe problematik Schlick-ut.
Një pasiguri që duhet t’i jetë dukur i dyshimtë dhe i paqartë botës së nazizmit.
Por mbase, analiza e filozofisë së Klubit të Vjenës ishte diçka tepër e sofistikuar për mendjet e atij regjimi, që po përgatiste një nga tragjeditë më të mëdha të përjetuara nga njerëzimi.
Dhe ishte në mënyrë më banale vetëm origjina hebraike e profesorit gjerman që ngjalli armiqësi ndaj tij dhe, në fund të fundit, edhe vdekjen.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
I ofroi Nuredin Dumanit 120 mijë euro që t’i vriste gruan, Prokuroria kërkon 6 vite e 6 muaj burg për ish-avokatin Alban Bengasi
-
SPAK firmos 9 masa sigurie, mes tyre 2 ish-zyrtarë të Bashkisë së Tiranës
-
Nënkryetarja e PE-së: BE-ja vendosi sanksione të njëanshme ndaj Kosovës, dërgoi sinjale kontradiktore në rajon
-
Fjalët e paqarta të Putin për F-16: Do të jenë një objektiv legjitim kudo që të jenë