Vllaznia ka arritur të fitojë përballë Daugavpils-it në transfertë, 4-2, duke përmbysur humbjen 0-1 të ndeshjes së parë dhe tashmë ka arritur të sigurojë kualifikimin në turin e dytë të UEFA Conference League 2025-26.

Shkodranët, ndryshe nga takimi i parë, arritën të merrnin frenat e lojës, ndonëse në një moment të pjesës së parë humbën përqëndrimin duke pësuar dy gola të shpejtë.

Alfred Mensah hapi serinë e golave për kuqeblutë në minutën e 22.

Vendasit barazuan me Ola Williams në minutën e 33 dhe dy minuta më vonë përmbysën rezultatin me Boudou Diallo-n.

Vllaznia do të arrinte të barazonte shifrat në 2-2 në minutat shtesë të pjesës së parë falë golit të Andrey Yago-s.

Pjesa e dytë ishte tërësisht në duart e Vllaznisë, me shkodranët që shënuan edhe dy herë të tjera.

Kevin Dodaj në minutën e 74 dhe Esat Mala në minutën e 87 vulosën fitoren dhe kualifikimin e Vllaznisë.

Kujtojmë se kjo e enjte do të sjellë në fushë edhe tre ekipe të tjera shqiptare në Conferece League:

Sileks – Deçiç (ora 19:00);

Partizani – Kalju (ora 20:00);

Vikingur – Malisheva (ora 20:45).

Ndërkohë, duke filluar nga ora 20:00, Prishtina do të përballet me Sheriff-in në ndeshjen e dytë të raundit të parë kualifikues në Europa League.

Të martën, Drita dhe Shkëndija kaluan në raundin e dytë të Champions League, teksa Egnatia u eliminua dhe do të vijojë nga raundi i dytë i Conference League.

Po nga raundi i dytë i Conference League do të fillojnë aventurën evropiane edhe Dinamo City me Ballkanin.

Një Vllazni heroike, shkodranët kualifikohen në raundin e 2-të të Conference League