Këngëtarja, Vesa Luma, duket se po e shijon qëndrimin në vendlindje, saktësisht në qytetin e saj të lindjes, në Prishtinë.
Madje, këtij të fundit, Vesa, i ka dedikuar edhe një kujtim nga ato të përhershmet – kësisoj ajo ka realizuar një tatuazh në dorën e saj të majtë si një provë të asaj se sa shumë e dashuron kryeqytetin kosovar.
Vesa ka gdhendur në lëkurën e saj përjetësisht figurën e Hyjneshës në Fron, e cila është simbol i qytetit të Prishtinës.
Përmes disa fotografive të publikuara në rrjetin social Instagram, Luma, është shfaqur e lumtur dhe e emocionuar rreth këtij ndryshimi që ka vendosur ta bëj në trupin e vet.
Por, gjithsesi, kjo nuk është hera e parë që artistja e hitit “Jemi dhe s’jemi”, shfaq publikisht dashurinë e saj ndaj Prishtinës.
Me siguri, shumë prej jush e mbani në mend akoma këngën e saj të publikuar në vitin 2017 – “Prishtina”, e cila u lansua në mbështetje edhe të tifozëve të klubit basketbollistik të kryeqytetit.
“Prishtina, ti je zemra jonë. Prishtina, dritat ndizi sot. Prishtina, krenaria jonë. Prishtina, përgjithmonë”, janë disa nga vargjet e këngës së Vesës kushtuar skuadrës të basketbollit të qytetit.
Përndryshe, kanë kaluar disa muaj që kur Vesa Luma bashkë me familjen e saj janë kthye nga Zelanda e Re për në Kosovë, ku edhe është parë nën shoqërinë e familjarëve, miqve dhe kolegëve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama reagon për dokumentarin e Rai 3: Emision me shpifje, u skandalizova nga qasja kriminale
-
DASH zbardh raportin e plotë për Shqipërinë – S’ka progres domethënës, probleme serioze me pavarësinë e gjyqësorit
-
Hasani me homologun kroat: Dialog intensiv politik mes dy qeverive, mirënjohës për mbështetjen
-
Lajçak: Në takimin e fundit u ngushtua diferenca për dinarin – pres propozime shumë konkrete në takimin e radhës