Një burrë ka zbuluar një copëz me vlerë thuajse 250 mijë dollarë në fushat e arit të Victoria-s në Australi.
Ai e gjeti shkëmbin prej 4.6 kilogram ar duke përdorur një detektor metali amator në trekëndëshin e artë”të Victoria-s midis Bendigo, Ballarat dhe St Arnaud.
Kur kërkuesi e çoi gjetjen e tij në dyqanin e kërkimeve të Darren Kamp në Geelong, Lucky Strike Gold, Kamp e vlerësoi shkëmbin në tërësinë e tij në 240 mijë dollarë.
Kjo pasi çmimet e sotme të arit janë afër niveleve rekord globale.
“Kam 43 vjet që kërkoj. Dhe unë nuk kam parë një ekzemplar në këtë sasi ari në 43 vitet e mia të kërkimit”, ka thënë Kamp.
“Ndoshta në vitet 1850 janë gjetur disa, por në termat e sotëm është shumë e rrallë”, ka shtuar.
Një pjesë e fatit “të pabesueshëm” të kërkuesit, sipas Kamp, është se ai e bëri gjetjen me një makinë prej 1 mijë e 200 dollarësh në skajin më të ulët të gamës së çmimeve për detektorët.
Dhe se nëse copëza do të kishte qenë më e thellë se 12 centimetra në tokën ku u gjet, vetëm një makinë më e shtrenjtë mund ta kishte marrë atë.
Kamp bleu copëzën nga kërkuesi dhe e quajti “Lucky Strike”. Dhe një test me multimetër konfirmoi se ari ishte i ndërlidhur në të gjithë shkëmbin.
Studimi Gjeologjik i Victoria-s ka parashikuar se mund të ketë sasi të konsiderueshme ari të pazbuluar nëpër fushat e arit qendror dhe verior, krahasuar me atë që është nxjerrë nga zona.
Sakaq, “Lucky Strike” nuk është pjesa më e madhe e gjetur në Australi – ky nder i takon “Të huajit të mirëpritur” të gjetur pranë Moliagul, Victoria, në vitin 1869.
Marrë nga “The Guardian”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Meta ‘sfidon’ Dumanin: Ilir Meta do jetë gjithmonë këtu, SPAK-u tarallaku ta harrojë PL-në
-
Një muaj paraburgim për një kosovar të ndaluar në Serbi, nën dyshime për krime lufte
-
Një burrë ndez zjarrin në gjykatën ku po zhvillohet gjyqi i Trump, lëndohen 17 persona
-
Euronews Green: Shqipëria prodhon 100 % energji nga burime të rinovueshme
Lajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Çfarë dimë deri tani për sulmin e Izraelit ndaj Iranit
-
Lajçak me kërkesë për shoqëritë në Kosovë dhe Serbi: S’ka të ardhme evropiane pa normalizim të marrëdhënieve, ta kuptoni këtë