Të enjten në Dhomat e Specializuara të Kosovës në Hagë ka filluar seanca e Apelit ndaj ish-krerëve të Organizatës së Veteranëve të Luftës të Ushtrisë Çlirimtare të Kosovës, Hysni Gucati e Nasim Haradinaj.
Haradinaj është i pranishëm fizikisht në sallën e gjyqit.
Ndërkaq Gucati është paraqitur në këtë seancë përmes video lidhjes, pasi i njëjti ishte nënshtruar një operacioni.
Ish krerët e UÇK-së po apelojnë aktgjykimin e dhënë nga trupi gjykues në maj të këtij viti ku të dy u shpallen fajtor dhe u dënuan me nga 4 vjet e gjysmë burgim dhe nga 100 euro gjobë.
Sipas tyre trupi gjykues kreu një numër gabimesh në ligj dhe në fakte si dhe gabime në dënime.
Gucati e Haradinaj kanë kërkuar nga Paneli i Apelit rrëzimin e fajësisë dhe lirimin nga të gjitha pikat.
Ndërsa Zyra e Prokurorit të Specializuar e kundërshton këtë dhe i kërkon Panelit të Apelit të hedh poshtë çatë që kërkohet në Apel.
Ndryshe, Gucati dhe Haradinaj më 18 maj u shpallën fajtorë dhe u dënuan me nga 4 vjet e gjysmë burgim dhe gjobë në shumën prej 100 euro, për veprat penale që ndërlidhen me pengimin e administrimit të drejtësisë.
Hysni Gucati së bashku me Nasim Haradinaj, akuzoheshin për vepra penale kundër administrimit të drejtësisë, konkretisht për pengim të personave zyrtarë në kryerjen e detyrave zyrtare, për frikësim të dëshmitarëve, për hakmarrje dhe për shkelje të fshehtësisë së procedurës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë