Ngjarja e Elbasanit/ Balla: U bëj thirrje qytetarëve për qetësi, durim dhe besim
“U bëj thirrje të gjithë qytetarëve të Elbasanit për qetësi, durim dhe besim”.
Kështu u shpreh nëpërmjet një statusi në median sociale Facebook drejtuesi politik i Partisë Socialiste për Qarkun e Elbasanit, Taulant Balla.
Balla i shprehu ngushëllimet familjes Xhuvani.
“Zoti u riktheftë arsyen atyre që nuk heshtën dot as përpara një xhenazeje nën këmbët e tyre”, e mbyll postimin Balla.
Reagimi i tij ka ardhur pas përplasjes me armë të ndodhur mesditën e 21 prillit, në Elbasan, ku mbeti i vdekur, Pjerin Xhuvani, ish-anëtar i Lëvizjes Socialiste për Integrim dhe katër të tjerë u plagosën.
Mes të plagosurve ishte një efektive e njësisë “Shqiponja”.
Autori është kapur nga policia dhe bëhet për fjalë për Arbër Paplekaj, ish-punonjës i forcave RENEA dhe shoqërues i kandidatit demokrat për deputet në Elbasan, Gazment Bardh.
Si dhe mbi 20 persona janë shoqëruar në komisariat. Ndër ta, dy kandidatë demokratë: Gazment Bardhi dhe Luçiano Boçi.
Puna për kapjen e të dyshuarve të tjerë të përfshirë në ngjarje, vazhdon nga forcat e policisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
PE-ja miraton liberalizimin e vizave për poseduesit e pasaportave ilegale serbe
-
DASH zbardh raportin e plotë për Shqipërinë – S’ka progres domethënës, probleme serioze me pavarësinë e gjyqësorit
-
SPAK u komunikon akuzat ish-zyrtarëve të arrestuar të Bashkisë Tiranë
-
Liburn Aliu deklarohet për aferën me ambalazhues: Nuk lidhet emri im askund, për çfarë borxhi e kanë fjalën