Presidenti i Republikës së Shqipërisë, Ilir Meta, ka zgjedhur qytetin Studenti për të uruar Ditën e Rinisë, më 8 dhjetor.
Ai ka bërë homazhe rreth bustit të ish-deputetit shqiptar, Azem Hajdari, duke rikujtuar lëvizjen studentore të vitit 1990.
Meta, praninë e tij aty – në këtë datë 8 dhjetor, Ditën e Rinisë – e ka cilësuar si një detyrim.
Kjo për të nderuar lëvizjen studentore, heroin e demokracisë, Azem Hajdari, i cili pati një rol kyç.
Por, për presidentin, tani është koha për një thirrje tjetër: “Ta rikthejmë Shqipërinë në shinat e demokracisë dhe të garantojmë të ardhmen evropiane”.
Më pas, ai zgjodhi të kthehej pas në kohë, në atë që e quan “dita e ardhjes së pluralizmit politik”.
Për kreun e shtetit, kjo datë i ka rikthyer “emocionet e paharruar, kur në Qytetin Studenti u thirra për të marrë pjesë, me Azem Hajdarin në krye, në takimin kapitullues të regjimit me studentët e Dhjetorit ’90”.
Meta ka theksuar se sa herë liria, demokracia dhe pluralizmi politik vihen në pikëpyetje, ndihen një thirrje të brendshme si asokohe.
Dita Kombëtare e Rinisë
8 dhjetori shënon tashmë Ditën Kombëtare të Rinisë dhe 31-vjetorin e vendosjes së pluralizmit në Shqipëri.
Që prej vitit 2009 – vendim i marrë nga Kuvendi i Shqipërisë – data përkujtohet si festë kombëtare.
Kjo, në nderim të të gjithë studentëve të dhjetorit 1990.
Disa pedagogë dhe studentë të Universitetit të Tiranës, më 8 dhjetor 1990 u bënë nismëtarët e kthesës historike.
Protestave që sollën rënien e sistemit komunist në Shqipëri.
Lëvizja Studentore është e vetmja Lëvizje paqësore që ndryshoi historinë e Shqipërisë.
“E duam Shqipërinë si gjithë Evropa”.
Ishte motoja e atyre që kërkonin ngritjen e sistemit të vlerave perëndimore dhe të shtetit të së drejtës.
Ata i dhanë fund epokës së vetizolimit komunist dhe sundimit ideologjik.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Lufta kundër dezinformimit dhe ndërhyrjeve të huaja në Shqipëri, përmes një komisioni të posaçëm
-
Këshilli Bashkiak i Himarës cakton pasuesin e Jorgo Goros
-
Rusia e vendos Evropën në një udhëkryq: Sa do të kushtonte riarmatimi?
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë