Përfaqësuesi i Lartë i Bashkimit Evropian, Josep Borrell, deklaroi se BE-ja ka zhbllokuar fillimin e negociatave të anëtarësimit me Maqedoninë e Veriut dhe me Shqipërinë.
Lajmi u bë i ditur pas mbërritjes në mbledhjen e Këshillit të Punëve të Jashtme.
“Ky është një moment historik, pas kaq vitesh pritjeje me statusin e kandidatit, pa ndodhur asgjë, votimi përfundimtar në Parlamentin e Maqedonisë së Veriut ka hapur një derë. Dhe nesër, konferenca ndërqeveritare do të nisë procesin e negociatave – një proces i shumëpritur”, u shpreh Borrell.
Përfaqësuesi evropian theksoi se ky është një lajm i mirë.
“Nuk kemi shumë lajme të mira, ky është një lajm i mirë. Shpresoj se kjo do të rrisë angazhimin tonë me Ballkanin”, shtoi Borrell.
Më 16 korrik, parlamenti i Maqedonisë së Veriut miratoi konkluzionet me të cilat miratoi propozimin francez për fillimin e bisedimeve të anëtarësimit me 68 nga 120 vota.
Që atëherë pritej që Konferenca Ndërqeveritare me të dyja vendet të mbahej më 19 korrik.
Këshilli duhet të miratojë paraprakisht Kornizën Negociuese për Maqedoninë e Veriut dhe Shqipërinë.
Një ditë më pas, në Sofje u nënshkrua një protokoll dypalësh midis Bullgarisë dhe Maqedonisë së Veriut.
IGC-ja
Radha ndërkohë, i takon mbajtjes së Konferencës së parë Ndërqeveritare mes dy vendeve të Ballkanit Perëndimor dhe Bashkimit Evropian.
Ajo në çfarë ky format, i njohur shkurtimisht si IGC (Inter-Governal Conference), konsiston, është takimi dypalësh mes strukturave të posaçme të Bashkimit Evropian dhe Qeverisë së një vendi kandidat.
Takimet nga radhët e BE-së i drejton përfaqësuesi i vendit që ka Presidencën e unionit në periudhën e përcaktuar kohore kur takimet mbahen.
Në to, ka një qëllim kryesor dhe ai është paraqitja e artikujve dhe kapitujve ligjorë që duhen arritur nga vendi kandidat.
Në tërësi, janë rreth 130 mijë faqe material, të grupuar në 35 kapituj.
Vendi anëtar duhet ta sjellë legjislacionin e vet në kushte identike me ato të vetë unionit.
Ky proces i përafrimit ligjor njihet edhe si “aquis” (diçka për të cilën është rënë dakord).
Për secilin kapitull, dy takime formale ndërqeveritare zhvillohen mes vendeve kandidate dhe strukturave të BE-së.
Me plotësimin e kushteve të një kapitulli të caktuar nga vendi që aspiron unionit, kalohet në kapitullin tjetër, e deri në përmbylljen e gjithë procesit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
FMN ul parashikimin për rritjen ekonomike të Shqipërisë këtë vit
-
Protestë para Bashkisë Tiranë/ Qytetarët hedhin molotovë e tymuese
-
A ka Irani bombë atomike? Dhe në çfarë faze është programi bërthamor?
-
Kurti në 11 vjetorin e marrëveshjes Kosovë-Serbi thotë se dakordimi i tij me Vuçiç-in adreson gjetjet e Kushtetueses për Asociacionin