Një ndër ndeshjet më dramatike të Kupës së Italisë u zhvilla sontë në “Guizeppe Meazza”.
Inter-i ishte nikoçire e Empoli-t në një ndeshje, që të paktën në letër, konsiderohej e lehtë për zikaltërit.
Në fakt, edhe fillimi i takimit e tha të njëjtën gjë.
Alexis Sanchez, që e zëvendësoi Correa-n e lënduar në minutën e pestë, shënoi vetëm pas tetë minutash.
Pas asistimit të Denzel Dumfries, ai e dërgoi topin në fundin e rrjetës, me Inter që morri epërsinë.
Zikaltërit atë epërsi e mbajti deri në minutën e 60-të.
Atëherë, në skenë u ngjitën shqiptarët në zonën e penalltisë së Inter-it.
Një pasim i Kristjan Asllanit, e gjeti Nedim Bajramin, i cili bukur e kontrolloi me gjoks dhe me të majtën e dërgoi topin në fundin e rrjetës së Inter.
Topi në fundin e rrjetës së Inter përfundoi edhe njëherë, por këtë gabimisht aty e dërgoi Radu.
Kur u duk se gjithçka do mbyllej me fitoren 1-2 të Empoli-t, Inter theu zemrat e tyre.
Ranocchia barazoi në 2-2, dhe ndeshja iu drejtua vazhdimeve.
Në vazhdime, Inter shënoi edhe njëherë me Sensi-n dhe arriti fitoren e pritur, por me shumë më shumë vështirësi se që pritën.
Në çerekfinale, ata do të përballen me fituesin e takimit Roma – Lecce.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Prokuroria po e interviston Martin Berishajn, i dyshuar për afera korruptive dhe shpëlarje parash
-
Blerina Bala në krye të Himarës, Rama: Shumica e himariotëve nuk i përket llogores së konfliktit
-
Ekspozimi: Politikanët evropianë të së djathtës në listën e pagave të Putinit
-
Konjufca: Mungon vullneti i mazhorancës që në zgjedhje të reja të shkohet përmes dorëheqjes