Lëvizja Socialiste e Serbisë, në krye të së cilës është Ministri i Punëve të Brendshme të Serbisë, Aleksandër Vulin, përmes një deklarate është shprehur se pas protestës së madhe popullore serbe të 5 tetorit të vitit 2000 kundër “Kasapit të Ballkanit”, Sllobodan Milllosheviçit, “Serbia është sunduar nga e keqja”.
“Puqi i 5 tetorit solli regjimin anti-serb në Serbi, të cilët bënë privatizimin dhe vjedhjen, dhe nxorën jashtë pune e në rrugë mijëra punëtorë”, deklaroi partia e Aleksandër Vulin-it.
Sipas kësaj deklarate të PS-së, parti kjo që është në koalicion qeverisës me SNS-në e Aleksandër Vuçiç, Opozita e Serbisë që mori pushtetin pas 5 tetorit “mbyllën fabrikat, i lanë të gjithë të papunë, sollën krimin, e humbën Malin e Zi, e lejuan përndjekjen e serbëve nga Kosova”.
Madje kjo parti shkroi se Kosova është “gati se e pavarur për shkak të opozitës ”.
“Atyre që ëndërrojnë dhe bëjnë thirrje për 5 tetorin, dhe sidomos 6 tetorin, u them të mos ëndërrojnë më, sepse Serbia dhe populli serb kurrë s’do ta lejojnë më veten të mashtrohen, vjedhen dhe poshtërohen”, shkruan kjo parti në një deklaratë.
“Mbetjet e Millosheviçit dhe të Sheshelit ende shpërndajnë urrejtje sikurse në vitet e 1990-ta. Kriminel të dënuar të luftës ende bëjnë paradë në media, dhe tani edhe po dalin rrugës e po kërkojnë lirimin e vrasësve të Zoran Gjingjiç”, shkroi LSV-ja.
Sipas kësaj lëvizje politike, ata që janë përgjegjës për luftërat e përgjakshme, ende nuk kanë dhënë përgjegjësi për ato.
“Kjo është disfata më e madhe ndaj demokracisë në Serbi. Sot po jetojmë ende pasojat e asaj distafe. LSV beson ende në një Serbi evropiane dhe moderne. Ne besojmë se Serbia ka ende shans”, deklaroi Lëvizja social-demokrate.
Lidhja e Social Demokratëve të Vojvodinës kujton se në vitin 2000, ajo bëri thirrje për lustrimin e të gjithë individëve që morën pjesë në shkatërrimin e shtetit të Serbisë dhe shkeljen e të gjitha të drejtave të qytetarëve gjatë sundimit të Millosheviçit
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ministri i Jashtëm iranian pro uljes së tensioneve në Lindjen e Mesme
-
El Niño drejt fundit: a do të jetë më pak nxehtë? – Shkencëtarët: Po, por vera e ardhshme do të jetë ende përvëluese
-
‘Dorëzohet’ gjyshja, dorëzon pas një jave 3-vjeçarin në Durrës
-
Pse Kurti nuk mori pjesë në tubimin e “VLEN-it” në Gjermani?
Lajmet kryesore
-
Moody’s me vlerësim ‘pozitiv’ për Shqipërinë, ulet borxhi dhe rritet ekonomia
-
Kryediplomati grek: Greqia do të abstenojë për anëtarësimin e Kosovës në KiE
-
Izraeli, palestinezët dhe sauditët – Rreziku diplomatik i Biden për të riparuar Lindjen e Mesme
-
Pse Kurti nuk mori pjesë në tubimin e “VLEN-it” në Gjermani?