Ndërron jetë ish-ministri i Jashtëm i Sllovakisë, politika shqiptare shpreh ngushëllimet: Avokat i integrimit të Shqipërisë në BE
Presidenti i Republikës së Sqhipërisë, Ilir Meta, të enjten e 10 shkurtit ka shprehur ngushëllimet për ndarjen nga jeta të ish-ministrit të Jashtëm të Sllovakisë, Eduart Kukan.
“I pikëlluar nga humbja e një miku të dashur dhe avokati të palodhur të integrimit evropian të Shqipërisë dhe Ballkanit Perëndimor, Eduard Kukan”, shkruan Meta në median sociale Facebook.
Më tej Meta thekson e cilëson atë si promotor i demokratizimit të plotë të vendit tonë.
“Kontributi i tij për forcimin e miqësisë midis dy vendeve tona dhe mbështetja për integrimin evropian do të mbetet i paharruar”, vijon Meta duke përmbyllur postimin.
Po ashtu edhe ministrja për Evropën dhe Punët e Jashtme, Olta Xhaçka, shprehu ngushëllimet për ndarjen nga jeta të Kukan.
“Eduard Kukan, një mik i mirë i Shqipërisë, të cilit i jemi thellësisht mirënjohës për diplomacinë e tij të mençur dhe mbështetjen për integrimin tonë evropian”, shkruan Xhaçka në median sociale Twitter.
So saddened to hear of Eduard Kukan passing away. A good friend of #Albania to whom we are deeply grateful for his wise diplomacy and support for our #European 🇪🇺 integration.
May you rest in peace! pic.twitter.com/64wUUVbPfJ— Olta Xhaçka🇦🇱 (@xhacka_olta) February 10, 2022
Lajmin për vdekjen e Kukan-it e dha mëngjesin e kësaj dite Ministria e Jashtme sllovake.
Përveçse ministër i Jashtëm i Sllovakisë, ai ka qenë edhe deputet në Parlamentin Evropian.
“Vendimet e tij bënë të mundur anëtarësimin e Sllovakisë në Bashkimin Evropian dhe NATO”, thuhej në postimin e Ministrisë së Jashtme sllovake.
Former 🇸🇰 FM Eduard Kukan (†82) passed away today. Serving in demanding times, he dedicated his life to building Slovak Foreign Service. His crucial decisions enabled our accession to EU&NATO. Without him the story of #Slovakia could have been significantly different. Thank You. pic.twitter.com/ZheVBfvtCn
— Slovakia MFA 🇸🇰 | #StandWithUkraine 🇺🇦 (@SlovakiaMFA) February 10, 2022
Kukan ka qenë një nga mbështetësit e Shqipërisë në Parlamentin Evropian, kryetar i Grupit të Komitetit të Punëve të Jashtme të PE-së për Ballkanin Perëndimor dhe shpesh pjesë e delegacioneve ndërkombëtare që ndërmjetësonin krizat e politikës shqiptare.
Ai ndërroi jetë në moshën 82-vjeçare.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Rama: Reportazhi i Rai-t është bërë për të sulmuar Melonin duke përdorur shëmtuar Shqipërinë dhe Agaçin
-
Ranucci: Rama dhe Agaçi refuzuan intervistat, dokumentet tona janë gjyqësore
-
PD kërkoi shfuqizimin e ligjit mbi administrimin e Butrintit, Kushtetuesja rrëzon kërkesën
Lajmet kryesore
-
Osmani shpall fitoren ndaj Taravarit me mbi 40 mijë vota dallim
-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Iran: Reperi Toomaj i dënuar me vdekje, mori pjesë në protesta
-
Kushtëzimi i KiE-së me Asociacionin nga Franca e Gjermania po ndodh me pajtimin dhe bekimin e plotë të Qeverisë