Shortet për ndeshjet e Australian Open do të zhvillohen të premten, ndërsa lojërat do të fillojnë rregullisht të hënën e ardhshme.
Kjo u njoftua nga numri një i komitetit organizues Craig Tiley. Shorti i Grand Slam do të zhvillohet pasdite në Melbourne.
Dje, për shkak të një rasti Covid-19 nga një punonjës në një nga hotelet ku po qëndrojnë lojtarët dhe stafi, u vendos bllokimi i të gjitha aktiviteteve, duke përfshirë dhe 50 lojërat e planifikuara sot, në kuadër të aktiviteteve paraprake të Australian Open.
Të gjitha ndeshjet e turneut (përfshirë Kupën ATP për kombet) mund të luhen nesër, pavarësisht parashikimit të motit për reshje.
Vendi ku luhet loja përfshin tre arena me çati të lëvizshme (Rod Laver Arena, Margaret Court Arena dhe John Cain Arena) pajisur me gjashtë fusha të brendshme.
Tiley e bëri të qartë se në rast nevoje, ndeshjet mund të zhvendoseshin në këto ambiente të brendshme që zakonisht përdoren vetëm për trajnim.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
