Tjetër xhiro u zhvillua në ligën amerikane të basketbollit, NBA, ku e gjithë vëmendja ishte në derbin mes Golden State Warriors dhe Milwaukee Bucks, e cila përfundoi në të mirë të këtyre të parëve me rezultat 122:109.
Te Warriors, më të mirët në këtë sfidë ishin Klay Thompson me 38 pikë, gjashtë kërcime e pesë asistime dhe Jordan Poole me 30 pikë, gjashtë kërcime e pesë asistime.
Ndërsa te Milwaukee më efikasi ishte ylli i tyre, Giannis Antetokounmpo, i cili arriti 31 pikë, tetë kërcime e tre asistime.
Me këtë sukses, skuadra e Warriors merr pozitën e dytë në tabelën e Konferencës Perëndimore, derisa po në të njëjtën pozitë qëndron edhe Milwaukee në Konferencën Lindore.
Liderët aktual të Konferencës Lindore, Miami Heat, u befasuan nga Minnesota Timberwolves, duke u mposhtur në shtëpi me shifrat 104:113.
Te Miami ishte më efikasi Tyler Herro me 30 pikë e shtatë asistime, derisa te Minnesota tetë basketbollistë arritën pikë dyshifrore.
Ndërkohë, Utah Jazz mori një fitore të rëndësishme, teksa mposhti Sacramento Kings me rezultat 134:125.
Jordan Clarkson ishte më efikasi te Jazz, i cili shënoi 45 pikë, ndërsa te Sacramento u dallua De’Aaron Fox me 41 pikë e 11 asistime.
Fitore me shumë vlerë arriti edhe Chicago Bulls, të cilët mposhtën Cleveland Cavaliers me rezultat 101:91.
Rezultatet e ndeshjeve tjera të mbrëmjes:
San Antonio Spurs 108 – 119 Indiana Pacers
Denver Nuggets 115 – 127 Toronto Raptors
Portland Trail Blazers 127 – 118 Washington Wizards
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Dialogu politik dhe çështjet rajonale në fokus të takimit Hasani-Milanoviç
-
Ngrihet Qendra Rajonale e Inovacionit në Elbasan, e vetmja në Ballkanin Perëndimor
-
Ku mund ta zhvendosë Hamasi degën e tij politike?
-
Pasi punësoi familjarin dhe ia mundësoi vajzës së saj punë praktike, Gërvalla ndalon punësimin e familjarëve në MPJD