Orët e hershme të mëngjesit të së enjtes (me kohën tonë lokale) u zhvilluan edhe 13 ndeshje në ligën më të fortë të basketbollit në botë, NBA.
Los Angeles Lakers kanë vazhduar me formë të dobët, duke pësuar humbjen e katërt brenda pesë ndeshjeve, teksa u mposhtën nga Indiana Pacers me rezultat 104:111.
Ylli i Lakers, LeBron James, shënoi 30 pikë, 12 kërcime dhe pesë asistime në këtë takim, por nuk mundi të evitojë dot humbjen për ekipin e tij.
Ndërsa për mysafirët, lojë të mirë shfaqi Caris LeVert, duke shënuar 30 pikë e tetë kërcime.
Ndërkohë, kampionët në fuqi të NBA, Milwaukee Bucks, u rikthyen te fitorja pas dy humbjeve radhazi, teksa mposhtën Memphis Grizzlies me shifrat 126:114.
Giannis Antetokounmpo ishte ylli i mbrëmjes në këtë takim, duke shënuar 33 pikë, 15 kërcime e shtatë asistime.
Derisa për mysafirët, lojë shumë të mirë shfaqi edhe Ja Morant, duke shënuar 33 pikë, tetë kërcime e 14 asistime.
Edhe Chicago Bulls u rikthye te fitorja pas katër humbjeve radhazi, teksa mposhtën Cleveland Cavaliers me rezultat 117:104.
DeMar DeRozan me 30 pikë e shtatë asistime dhe Nikola Vucevic me 24 pikë e 12 kërcime ndihmuan ekipin e Chicago-s që të rikthehet te suksesi.
Derisa për Cleveland u dallua finlandezi Lauri Markkanen, i cili kontribuoi me 28 pikë e shtatë kërcime.
Ndërkohë, Miami Heat po vazhdon me formë të mirë, të cilët morën fitoren e gjashtë brenda shtatë ndeshjeve, duke mposhtur Portland Trail Blazers me rezultat 104:92.
Brooklyn Nets gjithashtu mori një fitore të rëndësishme, teksa mposhtën në udhëtim Washington Wizards, me epërsi të ngushtë prej 118:119.
Rezultatet e ndeshjeve tjera:
Philadelphia 76ers 123 – 110 Orlando Magic
Atlanta Hawks 134 – 122 Minnesota Timberëolves
Boston Celtics 102 – 111 Charlotte Hornets
Dallas Mavericks 102 – 98 Toronto Raptors
San Antonio Spurs 118 – 96 Oklahoma City Thunder
Utah Jazz 111 – 116 Houston Rockets
Denver Nuggets 130 – 128 Los Angeles Clippers
Sacramento Kings 131 – 133 Detroit Pistons
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Shkarkohet nga detyra Agron Zhukri, gjyqtari që i dha PD-në Berishës
-
Protestë para Bashkisë Tiranë/ Qytetarët hedhin molotovë e tymuese
-
Hipoteza e tradhtisë së brendshme ose një sulmi simbolik: Çfarë dihet për sulmin në Iran
-
Kurti në 11 vjetorin e marrëveshjes Kosovë-Serbi thotë se dakordimi i tij me Vuçiç-in adreson gjetjet e Kushtetueses për Asociacionin