Një tjetër xhiro interesante u zhvillua në ligën amerikane të basketbollit, NBA.
Kampionët në fuqi të NBA, Milwaukee Bucks, janë mposhtur në shtëpi nga Dallas Mavericks me rezultat 112:118.
Më meritori për këtë sukses të Mavericks ishte Luka Doncic me 32 pikë, tetë kërcime e 15 asistime, derisa te Mileaukee u dallua Giannis Antetokounmpo me 28 pikë e 10 kërcime.
Ndeshje interesante u zhvillua edhe mes Los Angeles Lakers dhe Denver Nuggets, e cila përfundoi në të mirë të këtyre të fundit me shifrat 118:129.
Nikola Jokic ishte më efikasi te skuadra mysafire me 38 pikë, 18 kërcime e gjashtë asistime, derisa te Lakers u dallua Anthony Davis me 28 pikë, nëntë kërcime e tetë asistime dhe Russell Westbrook me 27 pikë, 10 kërcime e shtatë asistime.
Skuadra e Golden State Warriors ka marrë fitoren e dytë radhazi pas një serie negative, teksa këtë herë kanë mposhtur në udhëtim Sacramento Kings me rezultat 90:119.
Andrew Wiggins me 25 pikë dhe Jordan Poole me 22 sosh, ishin më meritorët në suksesin e Warriors.
Suksesin e katërt radhazi e arritën edhe Miami Heat, të cilët fituan në udhëtim te Toronto Raptors me shifrat 109:114.
Ndërkohë, Phoenix Suns është ndalur për herë të dytë radhazi, ku këtë herë pësuan nga Oklahoma City Thunder me rezultat 117:96.
Por, vlen të theksohet se tashmë Suns kanë siguruar vendin e parë në tabelën e Konferencës Perëndimore.
Ndërkohë, ndeshje shumë interesante u zhvillua edhe mes Cleveland Cavaliers dhe Philadelphia 76ers, e cila përfundoi me shifrat 108:112 në favor të 76ers.
Joel Embiid ishte më i dalluari te skuadra mike me 44 pikë e 17 kërcime, ndërsa te Cleveland u dallua James Harden, i cili realizoi “triple-duble” me 21 pikë, 10 kërcime e 10 asistime.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Prokuroria po e interviston Martin Berishajn, i dyshuar për afera korruptive dhe shpëlarje parash
-
Blerina Bala në krye të Himarës, Rama: Shumica e himariotëve nuk i përket llogores së konfliktit
-
Ekspozimi: Politikanët evropianë të së djathtës në listën e pagave të Putinit
-
Raportohet se BE po përgatit pozitë të re për Lajçak-un