Mysafirët me fitore të mëdha

Paris Saint-Germain dhe Chelsea, dy mysafirët e ndeshjeve të së mërkurës arritën fitore të mëdha.

Francezët shënuan tre gola të arta në “Allianz Arena”.

Si në ndeshjen me Barcelonën, përsëri ishte Mbappe protagonist për skuadrën e Pochettino-s.

Francezi shënoi për 0-1 në minutën e tretë të ndeshjes, duke shfrytëzuar një asistim të Neymar-it.

Braziliani asistoi edhe golin e dytë, që u shndërrua në gol nga braziliani tjetër, Marquinhos.

Ish-lojtari i PSG-së, Choupo-Moting ishte protagonist për Bayern-in, duke ngushtuar epërsinë në vetëm një gol.

Në pjesën e dytë, pas një ore lojë, Thomas Muller barazoi rezultatin në 2-2, duke rikthyer komplet bavarezët në lojë.

Për të thyer shpresat te bavarezët u kujdes përsëri Mbappe, i cili me një lëvizje të bukur brenda zonës shënoi golin e tretë të parisienëve.

Ndeshja përfundoi 3-2 për Paris-in, në një fitore të madhe jashtë “Parc des Princes”.

Edhe Chelsea fitoi si “mysafir” i Porto-s.

Në ndeshjen e zhvilluar në “Sanchez Pizjuan” të Sevilla-s për shkak të Covid-19, Chelsea konsiderohej mysafir i Porto-s.

Londinezët zgjodhën gjithçka me nga një gol në të dyja pjesët.

Ishte super talenti Mason Mount që shënoi për 0-1 në pjesën e parë.

Në pjesën e dytë, në fund të takimit, Chillwell shënoi për 0-2.

Londinezët shkojnë si “vendas” me rezultat shumë komod.

Ndeshjet e kthimit zhvillohen më 13 prill.

Albanianpost.com