Janë zhvilluar dy ndeshje në orarin e hershëm si zakonisht në Champions League.
Lokacionet e këtyrë ndeshjeve ishin Belgjika dhe Turqia.
Në Belgjikë, në grupin A, Club Brugge që shkaktoi befasinë në dy ndeshjet e para të këtij grupi, u “shkollua” nga Manchester City.
Klubi anglez e dominoi ndeshjen nga minuta e parë deri te e fundit duke e arritur një fitore të lehtë.
Në pjesën e parë, ata shënuan dy herë, me anë të Cancelo-s dhe Mahrez-it, ky i fundit që shënoi nga penalltia.
Në të dytën, City e vazhdoi rrugën e tyre drejt goleadës.
Fillimisht ishte Walker ai që trefishoi shifrat dhe pastaj i riu Cole Palmer, ai që gjeti golin e parë në Champions për 0-4.
Club Brugge gjeti golin e nderit me anë të Vanaken, por Manchester City nuk u ndal përsëri.
Pak para fundit, Mahrez gjeti golin e dytë, për të vulosur rezultatin përfundimtar 1-5.
Manchester City ngjitet përkohësisht në krye të grupit me gjashtë pikë, në pritje të ndeshjes mes Paris SG dhe Leipzig.
Ndeshja tjetër në Turqi, ishte ajo mes Besiktas-it dhe Sporting-ut.
Kampionët e Portugalisë ishin shumë të fortë për skuadrën nga Stambolli duke arritur fitoren me rezultat të thellë 1-4.
Coates dy herë, Paulinho dhe Sarabia shënuan për Sporting Lisbonën.
Kurse, golin për Besiktas-in e gjeti Larin.
Sporting-u gjen pikët e parët në duelin direkt për vendin e tretë, me ndeshjen mes Dortmund-it dhe Ajax-it që më shumë vlen për liderin e grupit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama ‘letër publike’ Ranuccit: Hodhët një tjetër hap fals, fatkeqësi që bëni krahasime me Kremlinin
-
Osmani pas fitores: Vetëm fillimi i një kapitulli të ri për një të ardhme të ndritur
-
Miliarderët e botës duhet të paguajnë minimalisht 2% taksë mbi pasurinë, thonë ministrat e G20
-
O’Brien i kërkoi “përparim urgjent” për Asociacionin, Kurti s’e përmend askund