Lajme

Musk shet aksionet e Tesla-s për Twitter-in


Shefi Ekzekutiv i Tesla-s, Elon Musk shiti 6.9 miliardë dollarë aksione në prodhuesin e automjeteve elektrike.

Kjo, duke thënë se fondet mund të përdoren për të financuar një marrëveshje të mundshme me Twitter-in nëse ai humbet betejën ligjore me platformën e mediave sociale.

Lajmi u bë i ditur nga agjencia “Reuters”, duke cituar statusin e Musk.

“Në rast (shpresojmë me pak gjasa) se Twitter detyron që marrëveshja të mbyllet *dhe* disa partnerë të kapitalit nuk arrijnë, është e rëndësishme të shmanget një shitje emergjente e aksioneve të Tesla-s”, tha ai në një postim në Twitter të martën vonë.

Musk në fillim të korrikut prishi marrëveshjen e tij të 25 prillit për të blerë Twitter për 44 miliardë dollarë.

Twitter ka paditur Musk-un për ta detyruar atë të përfundojë transaksionin.

Kjo, duke hedhur poshtë pretendimin e tij se ai ishte mashtruar në lidhje me numrin e profileve spam në platformën e mediave sociale.

Musk është personi më i pasur në botë.

Ai shiti 8.5 miliardë dollarë aksione të Tesla-s në prill dhe deklaronte asokohe se nuk kishte planifikuar shitje të mëtejshme.

Musk shiti rreth 7.92 milionë dollarë aksione midis 5 dhe 9 gushtit, sipas dosjeve të shumta.

Ai tani zotëron 155.04 milionë aksione Tesla ose pak më pak se 15 për qind të prodhuesit të automjeteve sipas llogaritjeve të “Reuters”.

/Albanianpost.com


Lajmet kryesore