Twitter-i i ka hedhur poshtë pretendimet e Elon Musk në gjykatë se ai kishte arsye legjitime për t’u tërhequr nga marrëveshja prej 44 miliardë dollarësh për blerjen e platformës.
Kompania i ka quajtur argumentet e Musk për braktisjen e marrëveshjes “një histori e imagjinuar në një përpjekje për t’i shpëtuar një marrëveshje bashkimi që Musk nuk e konsideronte më tërheqëse pasi tregu i aksioneve dhe së bashku me të, pasuria e tij personale, ra”.
Përplasja aktuale nisi pasi Musk-u pretendoi se Twitter-i nuk ishte i afërt për problemin me llogaritë e padëshiruara në platformë, duke e përmendur atë si arsye për braktisjen e marrëveshjes.
Kompania kishte pretenduar se llogaritë e padëshiruara përbënin më pak se pesë për qind të më shumë se 200 milionë përdoruesve, por Musk këmbënguli se numri ishte më i lartë.
Kështu, e akuzoi Twitter-in për fshehje të informacionit mbi problemin.
Twitter-i, ndërkohë, ka akuzuar Musk-un për zvarritje të çështjes për t’i shpëtuar marrëveshjes pa penalitet.
Musk, njeriu më i pasur në botë, ra dakord në prill të blinte Twitter-in, duke ofruar 54,20 dollarë për aksion dhe duke u zotuar se do të lirojë kontrollin e kompanisë ndaj përmbajtjes dhe do të çrrënjosë llogaritë e rreme.
Por Musk, në korrik, deklaroi se donte të tërhiqej nga marrëveshja, duke shkaktuar dramën aktuale ligjore.
Marrë nga “The Guardian”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Pentagoni, 1 miliard dollarë ndihmë të re ushtarake për Ukrainën
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë
