MPJ e Kosovës “tjetër nivel” – si e shkarkuan pa asnjë arsye diplomatin Viskont Jakupi

Prejse është emëruar ministre e Punëve të Jashtme dhe Diasporës, Donika Gërvalla, kjo ministri ka qenë shpesh subjekt i lajmeve për telashe të ndryshme.

Por, asnjë nga rastet e deritanishme nuk e shpërfaqë operimin kaotik brenda kësaj ministrie, si ai i shkarkimit të Viskont Jakupit, sekretarit të parë të ambasadës së Kosovës në Londër.

Tortura burokratike që përfundoi me një kthim në shtëpi pa kurrfarë shpjegimi fillon me datën 1 tetor të vitit 2021, në ditën e parë të udhëtimit të Jakupit në Londër bashkë me familjen e tij për të shërbyer në ambasadën e Kosovës në këtë qytet evropian.