Ministrja e Kulturës, Elva Margariti, ka njoftuar se në maj të 2021-shit do të nisin punimet për restaurimin e mozaikut të Muzeut Historik Kombëtar në Tiranë, kishës së Shën Marisë në Rubik dhe kishës së Shën Ndojit në Kepin e Rodonit.
“Programi EU4CULTURE është gati për të ngritur kantieret e para”, shkruante ministrja në Facebook.
Margariti u shpreh se “gjatë takimit të radhës së këshillit drejtues të programit vendosëm për afatet e fillimit të punimeve. Në bashkëpunim të ngushtë me UNOPS, do të zhvillohen projektet e rijetëzimit për 10 sitet e para prioritare, për të cilat pritet të fillojnë punimet së shpejti”.
“Falë mbështetjes së Bashkimit Europian, jo vetëm po mbyllim plagët e tërmetit, por do t’u japim jetë monumenteve dhe hapësirave përreth. Më shumë mundësi, më shumë shpresë. Shqipëria është e ardhmja jonë”, tha Margariti.
Mbledhja u zhvillua dhe nën praninë e ambasadorit të BE-së në vendin tonë, Luigi Soreca.
Së fundmi, monumentet e kulturës kanë qenë në fokusin e ministrisë përkatëse, duke marrë masa për ruajtjen e tyre, si pjesë e trashëgimisë sonë kulturore për t’u kthyer në destinacione të denja për t’u vizituar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nga Petrovci te Safqiu – aktorët shqiptarë që morën pjesë në filma propagandues serb
-
Kënga e re e Ariana Grande-s, “shuplakë” për ish gruan e të dashurit të saj Ethan Slater
-
Fashizmi ka ndryshuar, por nuk ka vdekur
-
Jack Antonoff nuk pranon të zbulojë nëse është duke punuar në albumin e ardhshëm të Taylor Swift-it
Lajmet kryesore
-
Hapat – në detaje – drejt anëtarësimit të Kosovës në Këshillin e Evropës
-
700 fashikuj për koncesionin e sterilizimit, Beqaj ‘ngujohet’ 7 orë në SPAK: Lexova 15, dua të pyetem sërish
-
Fjalët e paqarta të Putin për F-16: Do të jenë një objektiv legjitim kudo që të jenë
-
Sejko: Shqipëria me ecurinë më të mirë të kreditimit në rajon