Partnerja e Julian Assange, Stella Moris, deklaroi të hënën e 25 tetorit se CIA (Agjencia Qendrore e Inteligjencës Amerikane) kishte komplotuar për vrasjen ose rrëmbimin e themeluesit të WikiLeaks.
Ky raportim, sipas saj, kishte ndikuar – kundër – ekstradimit të Assange nga Britania drejt Shteteve të Bashkuara.
Gjykata britanike ka refuzuar ekstradimin e Assange drejt SHBA-ve, për shkak të problemeve me shëndetin e tij mendor.
Assange kërkohet nga autoritetet amerikane për 18 akuza penale, duke përfshirë shkeljen e ligjit të spiunazhit.
Gjatë kësaj jave pritet që të ketë një apelim nga ana e palës amerikane lidhur me refuzimin e Gjykatës Britanike.
Muajin e kaluar, Yahoo News raportoi se zyrtarët e CIA-s kishin hartuar opsione për administratën e ish-presidentit të SHBA-ve, Donald Trump.
Kjo, për të tërhequr Assange, ndërsa qëndronte i mbyllur në ambasadën e Ekuadorit në Londër, “duke përfshirë vrasjen ose rrëmbimin e tij”.
WikiLeaks
WikiLeaks u bë i njohur kur filloi të publikonte mijëra dosje sekrete të klasifikuara dhe kabllograme diplomatike në vitin 2010.
Suedia kërkoi menjëherë ekstradimin e Assange nga Britania mbi akuzat për krime seksuale.
Kur e humbi çështjen kundër ekstradimit në vitin 2012, Assange qëndroi në Ambasadën e Ekuadorit.
Në prill të 2019-s, ai u burgos për shkeljen e kushteve britanike të lirimit me kusht, megjithëse çështja suedeze kundër tij tashmë ishte pushuar.
Autoritetet amerikane, më pas, kërkuan ekstradimin e tij.
Avokatët amerikanë synojnë të kundërshtojnë vendimin kundër ekstradimit të SHBA-ve dhe provën e dhënë nga një ekspert kyç në një seancë dyditore të apelit në Gjykatën e Lartë në Londër që fillon të mërkurën.
Asnjë rezultat nuk pritet menjëherë dhe Moris tha se procesi mund të jetë i shpejtë.
Ekstradimi i Assange mund të bëhet në verën e ardhshme, ose mund të kërkojë vite me radhë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pasi punësoi familjarin dhe ia mundësoi vajzës së saj punë praktike, Gërvalla ndalon punësimin e familjarëve në MPJD
-
Haxhiu, kryetarëve të komunave: Zbatoni obligimet që dalin nga Strategjia kundër dhunës
-
Ku mund ta zhvendosë Hamasi degën e tij politike?
-
Kamberi: Raporti i DASH-it potencon se pasivizimi i adresave të shqiptarëve në Luginë të Preshevës është i papranueshëm
Lajmet kryesore
-
Rama reagon për dokumentarin e Rai 3: Emision me shpifje, u skandalizova nga qasja kriminale
-
Hasani me homologun kroat: Dialog intensiv politik mes dy qeverive, mirënjohës për mbështetjen
-
Ku mund ta zhvendosë Hamasi degën e tij politike?
-
Pasi punësoi familjarin dhe ia mundësoi vajzës së saj punë praktike, Gërvalla ndalon punësimin e familjarëve në MPJD