Kryetari i Partisë Socialdemokrate (PSD), Dardan Molliqaj, konsideron se marrëveshja përfundimtare Kosovë – Serbi është urgjente dhe se ajo “nuk ka alternativë”, mirëpo kryeministri i Kosovës, Albin Kurti sipas tij po dëshiron që pushtetin ta mbaj vetë ndërsa “përgjegjësinë (fajin) me tjerët”.
Ai vlerëson se vetëm një marrëveshje e tillë do ta prodhonte edhe një efekt i cili pamundëson forcimin e liderëve politikë kosovarë përmes projektimit të rreziqeve nga jashtë.
“Vonesa e zgjidhjes po i mbanë vendet të ngulfatura”, ka shkruar Molliqaj në rrjetin social Facebook.
“Ngjarjet e fundit lidhur me mbajtjen ose jo të referendumit të Serbisë në territorin e Republikës së Kosovës nuk përbëjnë risi, e as shancë për dëshmim të sovranitetit”, ka shkruar ai.
Ai vlerëson se vendet e banuara me serb në Kosovë, e veçanërisht pjesa veriore e vendit, janë të instrumentalizuar “në periudha të tilla” si nga ana e Vuçiçit, po ashtu edhe nga kryeministri i Kosovës, Albin Kurti.
Ai tutje ka deklaruar se insistimi i Kryeministrit Kurti për koncensus është nevojë për shpërndarje të përgjegjësisë.
“Sikur kjo të ishte qasja e përgjithshme e qeverisjes, do ta kishim parë në segmente e momente tjera, jo vetëm për dialog”, ka shkruar ai.
“Si u bë që në raport me pushtetin e brendshëm, ka bunkerizim dhe përqendrim pushteti, ndërsa në raport me temat nacionale – ndërkombëtare, shpërndarje të vendim-marrjes”.
Sipas liderit të PSD-së, qytetarët andej e këtej kufirit, kanë nevojë për rezultate që prekin jetën e përditshme në kuptimin e mirëqenies dhe marrëdhënieve mes popujve.
“Barazia duhet të jetë ajo që kornizon marrëveshjen përfundimtare”.
“Barrikadimi nuk është zgjidhje. Përkundrazi. Në kontekstin aktual politik, në dy vendet [Kosovë dhe Serbi] vetëm sa ushqen imazhet e liderëve autoritar. Efektet dhe tensionet e krijuara janë material për keqpërdorim”, ka shkruar Molliqaj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Çitaku, Kurtit: Jeni zgjedhur që ta qeverisni Kosovën, jo t’i përçani shqiptarët
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova
-
Zgjedhjet në RMV, Abdixhiku: Shqiptarët u ndanë, kryeministri populist i Kosovës dhe gjithë aparati qeveritar i tij, u bënë akter aktiv
-
“Jo Rusisë, po Evropës”, Gjeorgjia del në rrugë kundër ligjit për agjentët e huaj
Lajmet kryesore
-
Osmani shpall fitoren ndaj Taravarit me mbi 40 mijë vota dallim
-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Iran: Reperi Toomaj i dënuar me vdekje, mori pjesë në protesta
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova