Kryetari i Partisë Social Demokrate të Kosovës, Dardan Molliqaj, ka thënë se kryeministri i Kosovës, Albin Kurti, nuk e ka hallin te inati, pasi ky i fundit deklaroi se sulmi me miell ndaj ministrit të Financave Hekuran Murati nga aktivistët e PSD-së u bë për inati.
“Nuk e ka hallin te inati i kujtdo. Madje do të dëshironte të ishte veç inati, që sulmi që bëri të ishte më i pranueshëm në opinion”, ka shkruar në Facebook Molliqaj.
Por, sipas Molliqajt, “sikletin e ka që PSD vepron jashtë domenit të tij hegjemonik”.
“Opozitarizmi ynë nuk ndikohet dhe as frikësohet ndaj kërkesës së tij për dëgjueshmëri. Është e njëjta arsye pse i ka hipur në qafë sindikalistëve”.
Ai ka shtuar se Kurti, “aty ku nuk mundet t’i nënshtrojë përpjekjet mundohet t’i depolitizojë. Përpjekje e dështuar”.
“Sido që të jetë, zotëri kryeministër, lëre inatin, plotësoje kërkesën e punëtorëve”, ka porositur Molliqaj Kurtin.
Ministri i Financave, Hekuran Murati, gjatë ditës së shtunë, është gjuajtur me miell, në një rrugë në Prishtinë. Aksioni simbolik ndaj ministrit të Financave është zhvilluar nga aktivistët e Partisë Socialdemokrate.
E sipas kryetarit të kësaj partie, Dardan Molliqaj, aksioni simbolikë është zhvilluar për punëtorët e sektorit publik të cilët –një pjesë e tyre – nuk kanë arritur t’i marrin pagat e muajit gusht.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Mbikëqyrësi i BE-së paralajmëron se blloku ka ende nevojë për gaz të lëngshëm rus
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë
