Biznes

Mohoi se shoferët urinojnë në shishe, Amazon kërkon falje


Michael Foster i Unionit të Shitjeve me Pakicë, Shitje me Shumicë dhe Dyqane mban një shenjë jashtë një strukture në Amazon ku punëtorët po përpiqen të organizojnë punëtorë në Bessemer, Alabama. Pothuajse 6,000 punëtorë të magazinës kanë votuar nëse do të formojnë apo jo një union

Amazon i ka kërkuar falje një politikani amerikan për mohimin e rremë se shoferët, nganjëherë, janë të detyruar të urinojnë në shishe plastike.

Mark Pocan, një Demokrat nga Wisconsin, akuzoi nё njё postim nё Twitter, Amazon pёr detyrimin e “punëtorëve për tё urinuar në shishe uji”.

“Po të ishte e vërtetë, askush nuk do të punonte për ne”, ishte ndërkohë përgjigjia e Amazon në Twitter.

Ndërkohë, kompania ka kërkuar falje pas publikimit të provave se shoferët kanë urinuar në shishe.

“Ne i detyrohemi një falje Pocan. Postimi nuk parashikonte popullatёn e madhe tё shoferёve, por nё vend tё kёsaj u pёrqёndrua gabimisht vetёm tek qendrat e rimbushjes, tё cilat kanё dhjetёra tualete”, tha Amazon në një deklaratë.

Disa media lajmëruan se punonjës të shumtë të Amazonë konfirmuan se nuk kishin mundёsi tjetёr pёrveç urinimit nё shishe plastike gjatë punës.

Ata përshkruan gjithashtu praktikat e pamëshirshme të punës si drejtues tё shpёrndarjes, por dhe tek qendrat e furnizimeve.

Amazon u pёrgjigj se ishte nё dijeni qё shoferёt mund tё kenё patur probleme pёr gjetjen e tualeteve pёr shkak tё trafikut dhe mbylljes sё njё sasie tё konsiderueshme tё tyre shkak i pandemisё sё Covid 19.

Ajo u shpreh se çёshtja ishte “një problematikё qё qёndronte prej kohёsh nё industri” dhe se “dёshironin t’a zgjidhnin”.

Ndёrkohё Pocan refuzoi faljen tё shtunёn duke thёnё se “nuk ёshtё njё situatё qё i pёrket atij, po punёtorёve tё cilёt po trajtohen pa respekt dhe dinjitet”.

Punëtorët e Amazon në Bessemer, Alabama, votuan në një sondazh historik javën e kaluar për të vendosur nëse duan të përfaqësohen nga Unioni i Shitjeve me Pakicë, Shumicë dhe Dyqaneve. Përpjekja është kundërshtuar me forcë nga Amazon.

Rezultatet nuk priten deri javën e ardhshme. Nëse ata votojnë po, do të bëhet bashkimi i parë i Amazon në SHBA.

Amazon ka luftuar me sukses përpjekjet e sindikatës në SHBA. Sidoqoftë, shumica e objekteve të saj evropiane janë të unionizuara.

 

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore