Moderna tha se do të provojë të zhvillojë një vaksinë të re kundër Covid 19. Ajo synon llojin e identifikuar në Afrikën e Jugut. Kompania tha se vaksina e saj mbron nga variantet e shfaqura të coronavirusit, por ajo do të provojё nëse një përforcim i saj do tё përmirësojё përgjigjet imune.
Moderna tha të hënën se vaksina e saj prodhoi antitrupa që luftonin variantet e reja në Mbretërinë e Bashkuar dhe Afrikën e Jugut.
Sipas testimeve vaksina Moderna mbronte nga llojet e reja, por dha njё përgjigje më të dobët ndaj variantit të Afrikës së Jugut.
Kompania do të testojë nëse shtimi i një doze përforcuese vaksinës së saj mund të forcojë nivelet e antitrupave. Kompania po zhvillon gjithashtu një version të ri të vaksinës që synon specifikisht mutacionet në variantin e Afrikës së Jugut.
Varianti i coronavirusit në Afrikën e Jugut ka disa mutacione në të ashtuquajturën proteinë “spike”. Proteina gjendet në sipërfaqen e virusit. Vaksinat e zhvilluara deri tani janë të dizajnuara rreth kodit gjenetik të proteinës “sipke”, si një mënyrë për të nxitur një përgjigje imune ndaj virusit.
Vaksina e modifikuar qё Moderna po zhvillon, është krijuar për të shkaktuar prodhimin e proteinave spike specifike për variantin e Afrikës së Jugut.
Kompania beson se mund të projektojë dhe prodhojë shpejt vaksinën e modifikuar. Moderna pretendon testimet në njerëz të bëhen më shpejt se në rastin e vaksinës origjinale./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Një i vdekur dhe mbi 60 raste me COVID-19 në dy javët e fundit në Kosovë
-
BE autorizon përdorimin e vaksinës Pfizer/BioNtech të përshtatur për variantin COVID-19
-
Normat e interesit ka të ngjarë të bien në nivelet para COVID-it, parashikon FMN
-
Rrjedhja e laboratorit të Kinës ka të ngjarë të jetë burim i COVID, sipas drejtorit të FBI
Lajmet kryesore
-
Rama i përgjigjet sërish Rai-t: Mos bini pre e gabimit të parë, mbylleni këtë faqe jo të lavdishme
-
Zgjedhjet në RMV, Osmani: Qytetarët kanë dy opsione – integrim apo izolim
-
Senati amerikan miraton projektligjin që mund të ndalojë TikTok-un
-
Raporti i “Freedom House”: Korrupsioni çështje serioze shqetësuese në Kosovë