Kuvendi i Kosovës ka miratuar Ligjin për Agjencinë ndaj parandalimit të korrupsionit.
Ligji për Agjencinë për parandalimin e korrupsionit në Kuvendin e Kosovës ka marrë 68 vota.
Ndërkaq, Partia Demokratike e Kosovës nuk ka marrë pjesë në votim.
Mirëpo, shefi i grupit parlamentar të PDK-së, Abelard Tahiri tha se “partia e tij do të përmbahet nga votimi”, pa dhënë ndonjë arsyetim.
Më 20 shtator të vitit 2021, ky projektligj ishte votuar në lexim të parë nga deputetët e Kuvendit të Kosovës.
Sa i përket zgjedhjes së anëtarit në bordin e Bankës Qendrore të Kosovës, Nexhat Kryeziu është zgjedhur anëtar joekzekutiv i këtij bordi.
Gjithashtu, në Kuvendin e Kosovës është formuar edhe Komisioni Ad-hoc për Reformën Zgjedhore në Kosovë.
Seanca po vazhdon punimet me pika të tjera të rendit të ditës.
Ndërsa do të shqyrtohet edhe raportimi vjetor i performancës së Zyrës Kombëtare të Auditimit për vitin 2021 dhe raportimin vjetor financiar të Zyrës Kombëtare të Auditimit për vitin 2021.
Ndryshe, projektligji për Agjencinë për Parandalimin e Korrupsionit përcakton funksionimin e agjencisë si organ i pavarur dhe i specializuar për zbatimin e politikave shtetërore për parandalimin e korrupsionit që bien brenda fushëveprimit të saj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
‘Dezinformimi’, Nikolla kërkesë krerëve të Grupeve Parlamentare: Dërgoni emrat e anëtarëve
-
Kryetarja e OSBE takon Metën, flet edhe për sulmet ndaj SPAK: Gjyqësori nuk merr urdhra nga askush
-
Çfarë dimë deri tani për sulmin e Izraelit ndaj Iranit
-
Kalaja e Kaçanikut – Përplasja nëpër gjykata e vë në rrezik ekzistencën e një prej objekteve më të rëndësishme të Shekullit 16