Ministri i Jashtëm i Kinës, ka përgënjeshtruar akuzat se vendi i tij po kryen gjenocid ndaj Ujgurëve myslimanë, duke i quajtur këto pretendime si “qesharake”.
Kina është akuzuar për kryerjen e sterilizimeve të detyruara ndaj grave Ujgure dhe ndarjen e fëmijëve nga familjet e tyre.
Hetimet e televizionit BBC tregojnë se, Ujgurët po përdoren për punë të detyruar. Gjithashtu raportet kanë zbuluar se Ujgurët po përdhunohen dhe torturohen sistematikisht.
Kina i ka ndaluar televizionin BBC World News, mbulimin e korporatës për çështjen e Ujgurëve dhe të pandemisë.
Sipas Organizatës së Kombeve të Bashkuara (OKB), të paktën 1 milion anëtarë të pakicës myslimanë po mbahen në kampe. Rreth kësaj, Qeveria kineze ka deklaruar se ata ofrojnë trajnim profesional dhe synojnë çrrënjosjen e ekstremizmit.
Sekretarët aktualë dhe ish-sekretarët e Shteteve të Bashkuara të Amerikës (SHBA), parlamenti kanadez dhe ai holandez e kanë përshkruar trajtimin e Kinës ndaj Ujgurëve si “gjenocid”.
Konventa e OKB-së mbi Parandalimin dhe Ndëshkimin e Krimit të Gjenocidit e përcakton këtë veprim, si të kryer me qëllim shkatërrimin, tërësisht ose pjesërisht, të një grupi kombëtar, etnik, racor ose fetar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë