Miliarderi japonez Yusaku Maezawa ka shpallur një lajmërim, në të cilin fton tetë anëtarë të publikut, për t’u bashkuar me të në një udhëtim rreth hënës, në fluturimin e SpaceX, të Elon Musk.
“Dua që njerëz të prejardhjeve të ndryshme të bashkohen”, tha ai në një video në Twitter, ku ndau gjithashtu detajet e aplikimit.
“Do të paguajë për të gjithë udhëtimin. Kështu ata, që do të vijnë në bord, do të fluturojnë falas”, u shpreh Maezewa.
Misioni, i quajtur “DearMoon”, është planifikuar të realizohet në vitin 2023.
Sipas biznesmenit, aplikantët duhet të plotësojnë dy kritere për t’u bërë pjesë e udhëtimit. Ata duhet të zhvillojnë “çfarëdolloj aktiviteti” në të cilin “ndihmojnë njerëzit dhe shoqërinë në tërësi”. Të jenë gjithashtu “të gatshëm të mbështesin anëtarët e tjerë të ekuipazhit që ndajnë aspirata të ngjashme”.
“Unë kam blerë të gjitha vendet, kështu që do të jetë një udhëtim privat”, shtoi Maezawa.
Yusaku Maezawa është manjat i modës dhe koleksionist i arteve. Ai kishte planifikuar të ftonte në udhëtim “artistë”. Megjithatë, në videon në Twitter, u shpreh se dëshironte “t’u jepte mundësinë njerëzve nga e gjithë bota për t’u bashkuar”. “Nëse e shihni veten si një artist, atëherë ju jeni i tillë”, tha ai.
Vitin e kaluar, Maezewa nisi një dokumentar, në të cilin kërkonte një të dashur për t’u bërë pjesë e udhëtimit. Më vonë e anuloi, sipas tij, për shkak të “ndjenjave konfliktuale”.
Në vitin 2018, Maezawa u emërua pasagjeri i parë privat që do të fluturonte me SpaceX, kompaninë në pronësi të Elon Musk.
Çmimi që biznesmeni pranoi të paguante për biletën, nuk është bërë i ditur, por sipas Musk ishte “shumë i lartë”.
I planifikuar për në vitin 2023, misioni do të bëhet udhëtimi i parë hënor që prej vitit 1972.
Get your FREE TICKET to the MOON!!
8 crew members wanted. Sign up today! 🚀🌍🌕 #dearMoon https://t.co/P0vEZ6k8Xg— Yusaku Maezawa (MZ) (@yousuckMZ) March 2, 2021
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Osmani: Dërgimi i draft-statutit të Asociacionit në Kushtetuese është detyrë e Qeverisë
-
Ngrihet Qendra Rajonale e Inovacionit në Elbasan, e vetmja në Ballkanin Perëndimor
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Macron, Kurtit: Franca do progres të shpejtë në çështjen e Asociacionit sidomos në kontekstin e Këshillit të Evropës
