Milan-i duket se tani po fillon të ketë probleme serioze, pas ditëve të mira që po kalon me rezultatet pozitive të marra në të gjitha kompeticionet.
Rinovimi i kontratave mbetet problemi kryesor për kuqezinjtë. Turku 26-vjeçar, Hakan Calhanoglu, që është në vitin e fundit të kontratës së tij, nuk pranon të rinovojë me kushtet e ofruara nga klubi.
Aktualisht mesfushori ka një kontrat që mbaron në verën e 2021 dhe përfiton në sezon dy milionë e gjysëm euro. Klubi i ka ofruar 3 milionë e gjysëm euro në sezon, për të nënshkruar kontratën e re, por Calhanoglu kërkon jo më pak se 5 milionë euro.
Momentalisht rinovimi ka ngecur, deri në gjetjen e një gjuhe të përbashkët. Calhanoglu është duke luajtur sezonin e tij të katërt me kuqezinjtë, që nga koha e transferimit të tij që nga Bayer Leverkusen, në vitin 2017.
Calhanoglu po kalon një formë të shkëlqyer kohët e fundit dhe interesimi për të është rritur. Pas tij janë shumë klube brenda dhe jashtë Italisë. Më i interesuari mbetet Manchester United dhe për klubin aglez, kërkesat e turkut janë lehtësisht të pranueshme./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Osmani me fitore bindëse ndaj Taravarit: Diferenca mbi 35 mijë vota
-
Fitimet e investitorëve të huaj arrijnë rekord në Shqipëri
-
Perëndimi duhet të forcojë mbrojtjen pasi epoka e paqes në Evropë ka përfunduar, thotë Kuleba
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova