Hakim Ziyech mbetet objektivi kryesor i skuadrës së Milan-it për afatin kalimtar të dimrit.
Megjithatë, në rast se ai dështon, atëherë thuhet se kuqezinjtë kanë gati planin B.
Bëhet fjalë për mesfushorin e talentuar të Fenerbahce-s, Ferdi Kadioglu, i cili po vëzhgohet nga kuqezinjtë.
#Milan, sirene turche: va sul jolly Kadioglu. Il padre conferma: "Lo vogliono" https://t.co/HnGVH4h9lC
— La Gazzetta dello Sport (@Gazzetta_it) December 5, 2022
Kampionët e Italisë janë të prirur të zgjedhin një opsion të ri për krahun e tyre të djathtë në muajt e ardhshëm dhe zgjedhja e tyre e ëndrrave në kohët e fundit ka qenë Ziyech i Chelsea-t, i cili bëri përshtypje në Kupën e Botës me Marokun.
Ish-lojtari i Ajaxit ka luftuar për të treguar më të mirën e tij me Chelsea-n në sezonet e fundit, por përsëri nuk është një lojtar i rëndësishëm në formacionin e bluve të Londrës.
Andaj, flitet se ai është i hapur për të ndërruar ekip, mirëpo për Milan-in mbetet përsëri një futbollist i shtrenjtë (nga paga që përfiton).
Siç raportohet nga “La Gazzetta dello Sport”, Milan-i e ka identifikuar Kadioglu si një alternativë të mundshme për Ziyech, por ata nuk janë të vetmit që interesohen për të.
Edhe Napoli po ndjek me vëmendje Kadioglu-n, diçka që së fundmi u konfirmua nga babai dhe agjenti i tij.
Fenerbahce me sa duket do të ishte i hapur për të shitur 23-vjeçarin për rreth 12 milionë euro dhe paga e tij do të ishte krejtësisht e përballueshme për kuqezinjtë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama: Kallëzimi i pabërë i Bardhit iu shit si sapun për djathë italianëve
-
Lajçaku pret “komente konstruktive” mbi “kompromisin e propozuar” për dinarin
-
Franca kërkon të përdorë sistemin e mbrojtjes ajrore të Greqisë për Lojërat Olimpike
-
Perez: BE-ja ta çojë përpara aplikimin e Kosovës dhe ta ndëshkojë Serbinë