Sport

Mick Schumaher, emri më i shumëpritur për vitin 2021 në Formula 1


Mbiemri legjendar Schumaher do rikthehet në sportin e Formula 1 për herë të parë pas 9 viteve, kur këtij sporti në vitin 2012 i jepte lamtumirën e fundit Michael Schumaher, legjendari 7 herë kampion i Formula 1.

Në F1, mbiemrin legjendar do e kthej në fokus i biri i Michael, Mick Schumaher, i cili do jetë pilot për HAAS F1 racing team, ekip i ri Amerikan, që këtë vit do zhvilloj sezonin e tyre të 5-të në pistat e F1.

Mick Schumaher pasion garimin e ka pasur qysh nga fëmijëria e tij, kur merrte pjesë në gara të ndryshme të go-karting, para se të fillonte pjesëmarrjen në kategoritë më të ulëta të Formulës.

Në vitin 2018, Mick u shpall kampion në Formula 3, me Prema Theodor Racing, dhe pastaj kjo i ndihmoj që të promovohej në Formula 2.

Në sezonin e 2-të të tij në F2, po prap me Prema Racing, Schumaher u shpall kampionin duke fituar betejën kundër Callum Illiot.

Ky titull i ndihmoj atij që më në fund të ngjitet në Formula 1, ku nënshkroi kontratë afatgjate me HAAS. Më parë, Mick ishte pilot edhe në rradhët e Ferrari, si pjesë e akademisë së klubit.

Debutimin në F1, Mick e bëri në Abu Dhabi, ku për HAAS e zevëndësoi Kevin Magnussen në praktikat e së premtes.

Drejtori i Ferrari-t, Matia Binotto, tha: “Besoj se Mick do ketë një sezon të parë të vështirë, por e shoh atë si pilot të Ferrari-t brenda vitit 2023.”

Mick do ketë numrin 47-të në F1.

Në një intervistë të hollësishme për F1, Mick e vuri pikën në shumë pikëpyetje të ngritura.

“E dua garimin, i dua duelet e afërta. Kur e bënë atë gjiron perfekte në provat zyrtare dhe pastaj nisesh nga vendi i parë të dielën, është thjeshtë ndjenjë perfekte.”tha Mick mbi pyetjen se pse zgjodhi të jetë pilot i motosporteve.

Mick shprehet që të jesh pilot i Formula 1 të lejon që të ndash shumë pak kohë me familjen, por të paktën ajo është diçka që ai e bënë me gjithë pasion dhe është e lehtë që të sakfrifikojë nga koha familjare duke shijuar çdo sekond të mundshëm që kalon në F1.

“Nëse nuk do isha pilot i F1, një ndër gjërat që kam menduar është të jem polic trafiku, besoj që ajo do ishte interesante dhe do më linte mua të isha shumë afër shpejtësisë në autostrada.” tha Mick.

I pyetur mbi vendet më të preferuara që ka vizituar, Schumaher citoi Australinë dhe Indinë, për shkak të kulturave të ndryshme që ka hasur në ato vende, dhe po ashtu ai tha: “Ndoshta tingëllon e çuditshme, por vendi tjetër që dua të vizitoj më së shumti është Sri Lanka, dua të shoh diferencat që ka në kulturë me Indinë. Po ashtu Costa Rica, e dua natyrën, gjarpërinjtë, bretkosat dhe gjëra si kjo, por, të them të drejtën, nuk jam aspak fans i merimangave.”

“Idolli im është babai im. Unë gjithmonë shikoj se çfarë ka arritur ai dhe mundohem të mësoj nga ato, ta bëjë edhe unë të njejtën. Ai gjithmonë ka qenë pikë synimi për mua. E adhuroj se si gjithmonë është me këmbë në toke, edhe në aspektin sportiv por edhe në atë personal, ajo gjë më motivon dhe me ndihmon që të vazhdoj përpara, e vleresoj shumë.” mbylli Mick, në intervistën e tij zyrtarë për F1.

Mick është vetëm 21 vjeç, e ardhmja për të në F1 duket e pasur në bazë të gjithë talentit që ka shfaqur, por do jetë shumë e vështirë të përsëris historinë që ka shkruar Michael në Formula 1. Por, nëse ky sport na ka mësuar diçka gjatë viteve, është që gjithçka është e mundur, dhe çfarë Mick do të arrij, mbetet të shihet. Asgjë nuk është e pamundur.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore