Meta publikoi shërbimin e saj të abonimit në SHBA, i cili do t’i lejonte përdoruesit e Facebook dhe Instagram të paguajnë për verifikimin në të njëjtën mënyrë si Twitter.
Meta Verified do t’u japë përdoruesve një shenjë blu pasi ata të verifikojnë llogaritë e tyre duke përdorur një kartë identifikimi të lëshuar nga qeveria.
Gjithashtu duke paguar 11,99 dollarë në muaj në faqe ose 14,99 dollarë në muaj në sistemin iOS dhe Android.
Twitter publikoi shërbimin e abonimit të saj “Blue”, shërbim ky i cili u mundëson përdoruesve që të paguajnë për shenjen blu, e cila më parë ishte e limituar vetëm për figura publike.
Publikimi fillestar i “Twitter Blue” në nëntorin e vitit të kaluar, çoi në rritjen e përdoruesve të cilët imitonin të famshmit dhe markat e ndryshme në këtë platformë.
E cila e detyroi kompaninë që ta ndalte shërbimin dhe ta ri-prezantonte atë me shenja me ngjyra të ndryshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
