Presidenti i Republikës, Ilir Meta, ka reaguar për procesin zgjedhor në Kosovë, por nuk ka uruar fituesin e votimeve, Albin Kurtin.
“Urime të gjithë qytetarëve dhe klasës politike në Kosovë”, shkruan Meta. “Shembull i shkëlqyer i besimit te demokracia dhe vota e lirë. E përshëndes pjesëmarrjen e lartë në votime, pavarësisht kushteve atmosferike dhe Covid-19”.
Ndër të tjera, Meta uron që “institucionet e reja që do të formohen përmes bashkëpunimit, të udhëheqim me sukses Kosovën për të fituar sfidat e të ardhmes”. “Kosova hapi një faqe të re të rrugëtimit të saj evropian dhe konsolidimit të shtetit demokratik”.
Ky qëndrim i presidentit, është në vazhdën e kritikave që ai ka pasur mbi zgjedhjet në Shqipëri. Veçanërisht, mbi ato që do të zhvillohen në 25 prill. Jo pak herë, Meta u është referuar zgjedhjeve të ardhshme në Shqipëri si “referendum popullor”.
Urimi për Kurtin dhe Vjosa Osmanin mungon në postimin e presidentit. Kjo lë vend për të hamendësuar se shkrimi në median sociale, është një mesazh i qartë për zgjedhjet në Shqipëri.
Sipas të dhënave të fundit nga Komisioni Qendror i Zgjedhjeve në Kosovë, Vetëvendosje ka fituar 48% të votave. Kjo shifër, kur është numëruar mbi 98% e tyre.
Si fitore historike që tërheq vëmendjen, mungesa e urimit të presidentit bie në sy.
Kryeministri Edi Rama, edhe pse vonë, reagoi duke uruar fitoren e Vetëvendosje dhe duke dhënë një mesazh për bashkëpunim midis dy vendeve.
Krerët e opozitës, Lulzim Basha dhe Monika Kryemadhi, kanë uruar gjithashtu dyshen Kurti-Osmani, për fitoren e pa precedente në Kosovë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Osmani shpall fitoren ndaj Taravarit me mbi 40 mijë vota dallim
-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Iran: Reperi Toomaj i dënuar me vdekje, mori pjesë në protesta
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova