Siç raportohet nga CNBC, Meta është në gjendje të vështirë pasi stoku e mbylli sërish javën në rënie dhe aktualisht po tregtohet në nivele të ulëta që nuk i kishte parë prej vitesh.
Vetëm një vit më parë, vlera e kompanisë arriti kulmin dhe që atëherë ajo nuk ka qenë gjë tjetër pasi CEO Mark Zuckerberg ka humbur miliarda dollarë duke ndjekur metaversin e tij në të njëjtën kohë që rrjetet kryesore sociale, Facebook dhe Instagram, kanë pasur vështirësi.
Facebook në veçanti po kalon një hap të vështirë dhe disa analistë thonë se ata nuk janë as të sigurt se cili është më biznesi kryesor i Facebook-ut – ose nëse ka edhe një të tillë.
Edhe ata që nuk janë aq të dëshpëruar dhe të zymtë për perspektivën e Facebook – edhe pse rrjeti social ka parë një ngritje të përgjithshme globale në numrin e përdoruesve, pavarësisht nga një rënie në përdoruesit e SHBA dhe Kanadasë – nuk janë të sigurt se nëse Facebook do të jetë i rëndësishëm për gjeneratën e ardhshme të përdoruesve.
Por duke e parë rritjen e rivalit TikTok, rritje kjo e cila në dukje është e paarritshme, ky vlerësim duket të jetë i drejtë.
Facebook veçanërisht u lëndua nga përditësimi i privatësisë nga ana e iOS në vitin 2021, një përditësim ky i cili parandaloi Meta-n nga targetimi i përdoruesve me reklama, për të cilën CNBC thotë se i kushtoi kompanisë me 10.1 miliardë euro humbje nga fitimet e përgjithshme këtë vit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
