Presidenti i Shqipërisë, Ilir Meta, ka dekretuar ditën e premte pesë ligjet për mbarëvajtjen e zgjedhjeve, të miratuara nga Kuvendi i Shqipërisë në qershorin e 2020-ës.
Në njoftimin zyrtar nga zyra për shtyp e kreut të shtetit, thuhet konkretisht se presidenti ka dekretuar me shpallje ligjet e miratuara nga Kuvendi.
Komisioni i Ligjeve e votoi draftin e dakordësuar më 5 qershor 2020 me opozitën jashtëparlamentare. Votimi u bë pa konsensus sepse opozita parlamentare vijoi ta kundërshtojë marrëveshjen për zgjedhjet.
“Me dekretimin dhe hyjren në fuqi të këtyre ligjeve nga presidenti, kërkohet nga organet e caktuara me ligj, Komisioni Qendror i Zgjedhjeve , Prokuroria e Përgjithshme, Prokuroria e Posaçme Antikorrupsion (SPAK), Inspektorati i Lartë i Deklarimit dhe Kontrollit të Pasurive dhe Konfliktit të Interesave (ILDKPKI) dhe çdo organi tjetër që ka kompetenca ligjore, të marrin të gjitha masat e duhura”, ka njoftuar Meta.
Kjo me qëllim hartimin akteve nënligjore të nevojshme dhe implementimin objektiv të këtyre ndryshimeve./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Prokuroria po e interviston Martin Berishajn, i dyshuar për afera korruptive dhe shpëlarje parash
-
Blerina Bala në krye të Himarës, Rama: Shumica e himariotëve nuk i përket llogores së konfliktit
-
Ekspozimi: Politikanët evropianë të së djathtës në listën e pagave të Putinit
-
Konjufca: Mungon vullneti i mazhorancës që në zgjedhje të reja të shkohet përmes dorëheqjes