Të dielën u zhvillua çmimi i madh i Meksikës, dhe Sergio Perez i RedBull-it u bë meksikani i parë në histori që ngjitet në podium në shtëpinë e tij.
Festa ishte e çmendur, me të gjithë publikun që brohoriste shumë në mbështetje të ‘Checo-s’, siç thirret shkurt Sergio Perez.
Më speciale se kjo, ishte prania e familjes së tij në festën e podiumit, dhe entuziasmi që shfaqi babai i tij.
Nga kjo, kishte mbetur i prekur një garues, që ishte Charles Leclerc i Ferrari-t.
Babai i Perez, ne një intervistë pas garës, zbuloi se Leclerc i kishte nisur Perez-it një mesazh që përfshinte këto fjalë:
“Checo, ti nuk e di se sa të lumtur më bëri fakti që pash prindërit e tu të festonin ashtu, lotët më dolën, do doja që edhe babai im të më shihte mua”.
Leclerc kishte humbur babain e tij në vitin 2017, vetëm në moshën 54 vjeçare, pasi ai u përballë me kancerin për një kohë të gjatë.
Babai i Checo-s, pas këtij mesazhi i dërgoi ngushëllimet Leclerc-it, duke thënë se është shumë i lumtur që në këtë sport ka njerëz si ai, dhe duke ia uruar të gjitha të mirat.
Perez gjeti podiumin e tretë radhazi në Meksikë, duke e ngushtuar në maksimum garën për konstruktor mes Mercedes-it dhe RedBull-it.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Kushtëzimi i BE-së për normalizim të raporteve me Kosovën, “s’mund ta shtyjë” Serbinë ta zbatojë Marrëveshjen Bazë
-
Si arriti Vjosa Osmani t’i fusë 4 gratë e përdhunuara gjatë luftës në Këshillin e Sigurimit përballë Vuçiç
-
Kush është shefi kur bëhet fjalë për mbrojtjen: NATO apo BE?
-
‘Marifeti’ i Bardhit ndaj Olsi Ramës – Prova pa kallëzim, për të shmangur procesin për shpifje
