Federata e Futbollit të Kosovës ka miratuar Draft-Statutin e ri në Kuvendin e Jashtëzakonshëm këtë të premte.
Kuvendi i Jashtëzakonshëm u kërkua për shkak të kërkesës nga Komisioni për Vlerësim dhe Licencimin të Federatave Sportive në kuadër të Ministrisë së Kulturës, Rinisë dhe Sportit.
Ky Draft-Status u miratua, ku 48 vota ishin pro dhe një votë ishte abstenuese.
Kujtojmë që delegatët e disa nga klubeve më të mëdha në Kosovë, Drita, Prishtina e Trepça’89 ishin nga fillimi kundër këtij Draft-Statusi, dhe vendosën ta bojkotojnë votimin.
Ky Draft- Statut, në një mënyrë ka amnistuar Agim Ademin dhe anëtarët e Komitetit Ekzekutiv nga Kodi i vet i Etikës për katër vitet e ardhshme.
Atyre gjithashtu, do të iu shtohen edhe dy vite në mandatin e tyre, ata u zgjidhën në vitin 2020, por statuti i ri iu jep të drejtë të qëndrojnë deri në vitin 2026.
Kujtojmë që ministri i Sportit, Hajrulla Çeku dhe presidenti i FFK-së Agim Ademi u takuan me presidentin e UEFA-s, Aleksandar Ceferin në selinë e UEFA-s në Nion më 18 janar të këtij viti. Teksa një ditë më pas u takuan dhe me kreun e FIFA-s, Gianni Infantino.
Çeku dhe Ademi shpalosën idetë dhe projektet e tyre për ndërtimin e katër stadiumeve të reja në Kosovë të kategorisë së katërt të UEFA-s dhe 12 të tjera në nivel lokal.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Maqedonia e Veriut mban zgjedhjet presidenciale: Osmani e Taravari kandidatë shqiptarë
-
Sabreen, vajza e lindur në Gaza pasi nëna e saj ndërroi jetë në një bastisje
-
Senati amerikan miraton paketën historike për Ukrainën, Izraelin dhe Tajvanin
-
Sot nis zbatimi i Amnistisë Penale, përfitojnë 3 mijë e 800 të dënuar