Disa ish-komandantë ushtarakë i kanë bërë thirrje qeverisë britanike për të lejuar më shumë afganë, të cilët kanë punuar për forcat britanike, të vendosen në Mbretërinë e Bashkuar (MB).
Kohët e fundit, ministrat kanë zgjeruar skemën e zhvendosjes së MB për afganët.
Por, në një letër drejtuar kryeministrit Boris Johnson, ata shkruajnë se ishin “shumë të shqetësuar” për qindra përkthyes, të cilëve u ishte refuzuar aplikimi.
Ministria e Mbrojtjes, në një deklaratë publike, theksoi se kishte mbështetur më shumë se dy mijë e 200 afganë dhe familjet e tyre për t’u vendosur në Mbretërinë e Bashkuar.
Nënshkruesit e letrës janë: katër ish-shefat e shtabit të mbrojtjes, dy ish-krerë të Ushtrisë Britanike, ish-këshilltari i Sigurimit Kombëtar dhe ish-ministri i Mbrojtjes.
“Shumë nga përkthyesit tanë të mëparshëm janë refuzuar në mënyrë të panevojshme dhe të paarsyeshme”, shkruhet në letrën e tyre.
Sekretari i Mbrojtjes, Ben Wallace, njoftoi planet për të përshpejtuar zhvendosjen e qindra përkthyesve afganë në MB, pas vendimeve të forcave amerikane dhe të NATO-s për t’u larguar nga vendi.
Sipas Politikës së Zgjeruar të Zhvendosjes dhe Ndihmës Afgane (ARAP), qeveria tha se tre mijë ish-përkthyes të tjerë dhe familjet e tyre do të lejohen të vendosen në MB.
Por letra nxjerr në pah rastet e shumë përkthyesve, të cilët janë në mesin e 35% të stafit që u pushuan nga shërbimi për arsye të ndryshme “pa ndonjë proces të duhur ose aftësi për të apeluar shkarkimin e tyre”.
Aleanca Sulha, e cila po bën fushatë për të drejtat e ish-përkthyesve afganë dhe që koordinoi letrën, pretendon se qeveria pret vetëm të zhvendosë një maksimum prej 800 përkthyesish.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nuk do ta sulmojmë NATO-n, por F16-të do të jenë një objektiv, thotë Putini
-
Sulmi në Moskë i pamundur pa ndihmën e shërbimeve sekrete të huaja, thotë Turqia
-
Siri, 38 persona humbën jetën nga sulmi izraelit në Aleppo
-
Cilët janë katalizatorët që do ta ndezin fushatën e partive politike ndërsa nis sezoni zgjedhor në Kosovë?
Lajmet kryesore
-
Zgjerimi i BE-së: Sa afër anëtarësimit janë nëntë vendet kandidate?
-
Këshilli Bashkiak i Himarës cakton pasuesin e Jorgo Goros
-
Rusia e vendos Evropën në një udhëkryq: Sa do të kushtonte riarmatimi?
-
Hamza thotë se Kurti degradoi pozicionin e Kosovës në dialog, zotohet se do t’i shkëpusë serbët e veriut nga ndikimi i Serbisë