Presidenti i Shqipërisë, Ilir Meta, të premten e 14 janarit, ka deklaruar se thelbi i krizës së demokratëve është “mungesa e vullnetit për të respektuar votën e lirë”.
Sipas tij, çështja “Basha-Berisha”, është “problem i shkatërrimit të llogaridhënies brenda vetë Partisë Demokratike (PD).
“Është e papranueshme të mohohet çdo mekanizëm demokratik zgjidhjeje”, shprehet Meta.
Sipas këndvështrimit të presidentit të vendit “jemi në kushte ku demokracia dhe të gjitha institucionet janë mundur nga kapja e të gjitha segmenteve”, ndërsa shton se “përdorimi i forcës është i papranueshëm” dhe “i dënueshëm”.
Ndërsa ka deklaruar se “Presidenca ka parë dhunë nga të dyja anët”, në protestën e thirrur nga ish-kryetari i Partisë Demokratike (PD), Sali Berisha.
Zhvillimet e 8 janarit sollën edhe “shembull pozitiv”, sipas tij, “si dorëheqja e rojës së selisë së PD-së, për të mos qenë dëshmitar i dhunës”.
Theksin e vuri te “ruajtja e qetësisë” dhe “shmangia e dhunës”.
Gjithashtu ka deklaruar se misionin e tij e cilëson si “të përfunduar” që pas 25 prillit, por “ndjen detyrim të respektojë Institucionin e Presidencës”.
“Do të kisha dashur që më 26 prill të kisha marrë një drejtim tjetër”, deklaroi ai.
Protesta e Berishës
Më 8 janar të këtij viti, dhjetëra qytetarë kanë kërkuar largimin e lidership-it zyrtar të Partisë Demokratike (PD), Lulzim Basha.
Ish-kryeministri i vendit, Sali Berisha, u nis drejt selisë së Partisë Demokratike me një mision të qartë në mendjen e tij: Të largojë Lulzim Bashën nga kreu i partisë.
Berisha u kërkoi mbështetësve të tij të vetëpërmbahen dhe vetëdeklaroi se protesta që po zhvillohet, “është paqësore”.
Në të vërtetë, pamjet treguan krejt të kundërtën!
Këtë qëllim nuk e kishte vetëm ai, por edhe mbështetësit e ish-kreu të bluve.
I vetmi aspekt kundërshtues midis dy palëve, ishte ai i gjuhës së trupit të Berishës, dhe asaj verbale.
Teksa Berisha thotë se protesta është paqësore, gjestet e tij të qarta, u bënin thirrje mbështetësve të mësyjnë selinë.
Këta të fundit nuk ngurruan t’i binden liderit të tyre, të cilin e kishin rrethuar menjëherë si mburojë në mbërritjen e tij.
Dyert e xhamta ishin sakrifica e parë e godinës. Ato u thyen “pa dhunë” sipas Berishës, duke u hapur vetë.
Fill pas protestës, Policia e Shtetit arrestoi në flagrancë 34 shtetas dhe procedoi penalisht 18 të tjerë, të dyshuar për vepra penale të ndryshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Akuzat e Metës ndaj SPAK, Basha: Nuk është sjellje normale, Prokuroria ka trazuar ujërat e kastës 34-vjeçare të politikës
-
Kuvendi miraton me 96 vota marrëveshjen për hapjen e Kolegjit të Evropës në Tiranë
-
Manja prezanton pr/ligjin: Lehtësohet procedura e cerfikimit për “Përkthyesit zyrtar”
-
Marrëveshja për Kolegjin e Evropës, Manastirliu në Kuvend: Ngjarje historike për arsimin e lartë shqiptar