Kuvendi i Shqipërisë do të mblidhet paraditen e 24 qershorit, në një ndër seancat e fundit për këtë legjislaturë, ku përtej shqyrtimit të projektligjeve, do të raportojnë edhe katër institucione të rëndësishme përpara ligjvënësve shqiptarë.
Kontrolli i Lartë i Shtetit, Inspektoriati i Lartë i Drejtësisë, Autoriteti i Mediave Audiovizive dhe Komisioneri Shtetëror i Zgjedhjeve, do të raportojnë punën e tyre vjetore.
Interes të lartë ka, për të ndjekur raportin nga komisioneri i zgjedhjeve. Kjo, duke qenë se Shqipëria ka parë të mbahen ato të 25 prillit, ku fituese u shpall Partia Socialiste.
Në rend dite do të jetë edhe një dekret i presidentit Ilir Meta, për kthimin e ligjit të sektorit minerar.
Një ndër projektligjet e shqyrtuar ndërkaq, do të jetë edhe ai i kontratës së pestë të vaksinave me kompaninë Pfizer.
Pushimet e verës do t’i paraprijnë më pas shtatorit. Në vjeshtë, Parlamenti do të ketë një fytyrë tërësisht të ndryshuar nga kjo e dy vjetëve të fundit.
Opozita rikthehet në sallë dhe po ashtu, në mazhorancë, një pjesë e mirë e grupit parlamentar socialist ka ndryshuar.
Deputetët e “opozitës parlamentare” aktuale ndërkohë, nuk do të jenë më pjesë e ligjvënësve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE dhe SHBA dënojnë dhunën në protestën para Bashkisë së Tiranës
-
FMN ul parashikimin për rritjen ekonomike të Shqipërisë këtë vit
-
Themelimi i Asociacionit është urgjencë, dështimi nënkupton pasoja, thotë BE në 11-vjetorin e marrëveshjes
-
Çitaku, Kurtit: Do mbahesh mend si Kryeministri i Autonomisë Politike për serbët e pjesës Veriore