Mbi 4 mijë fëmijë të abuzuar seksualisht nga Kisha Katolike e Portugalisë

Kisha Katolike Portugeze ka abuzuar seksualisht me të paktën 4 mijë e 815 fëmijë që nga viti 1950.

Kështu ka zbuluar një raport i fundit, i cili ka identifikuar se 77 për qind e autorëve ishin priftërinj.

“Ne duam të bëjmë një nderim të sinqertë për ata që ishin viktima të abuzimit gjatë fëmijërisë së tyre dhe guxuan t’i jepnin zë heshtjes”, ka thënë kreu i komisionit dhe psikiatri i fëmijëve Pedro Strecht.

“Janë shumë më tepër se një statistikë”, ka shuar ai.

Strecht ka treguar se fëmijët u abuzuan në shkollat katolike, shtëpitë e priftërinjve dhe te rrëfimtarët.

Në tetor, ekspertët që punonin për raportin kanë treguar se ishin regjistruar 424 llogari të ligjshme nga viktimat e supozuara.

Po ashtu paralajmëruan se dëshmia e tyre tregoi se numri i viktimave ishte “shumë më i madh”.

Sakaq, llogaritë gjetën “situata serioze që vazhduan për dekada dhe në disa raste arritën përmasa epidemike”.

Mijëra raportime për pedofilinë në Kishë janë shfaqur gjithnjë e më shumë në mbarë botën, duke i bërë më shumë presion Papa Françeskut për të trajtuar këtë çështje.

Hetimi i pavarur i Portugalisë, i porositur nga Kisha, filloi punën për raportin vitin e kaluar pasi një hetim në Francë zbuloi se rreth tre mijë priftërinj dhe zyrtarë fetarë abuzuan seksualisht me më shumë se 200 mijë fëmijë.

Ndërkohë, akuzat kanë ardhur nga njerëz me prejardhje dhe vende të ndryshme, si dhe shtetas portugez që jetojnë në vende të tjera.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.