Një robot i ri ndodhet në sipërfaqen e Marsit!
Agjencia Hapësinore Amerikane (NASA) ka çuar në mënyrë të suksesshme në planetin e kuq, sondën Perseverance. Ky është roboti më i sofistikuar i ndërtuar në historinë hapësinore amerikane. Eksplorimi i kraterit Jezero, do të jetë objektivi parësor i tij.
“Sonda është në gjendje të shkëlqyer” deklaroi pas uljes zëvendës menaxheri i projektit, Matt Wallace.
Ekipi, i cili kishte punuar prej vitesh në projekt, shpërtheu në brohoritma kur faza e parë e misionit, u përmbyll me sukses. Kontrolli i misionit u ndoq drejtpërdrejt nga California.
Dy vitet e ardhshme, Perseverance do t’i kalojë duke gërmuar gurët e kraterit. Shkencëtarët mendojnë se 3.9 milionë vite më parë, aty është gjendur një liqen. Ky i fundit, mund të ketë krijuar kushtet ideale për të zhvilluar jetën aty.
“Gjendemi në pozita të mira. Mjeti është anuar vetëm me 1.2 gradë”, tha drejtuesi i ekipit, Allen Chen. “Gjetëm vendin ideal të parkimit. Jam shumë krenar për performancën që arritëm”.
Presidenti Joe Biden ndërkohë, e ndoqi nga Shtëpia e Bardhë ngjarjen historike. “Urime NASA-s dhe çdo personi të përfshirë në këtë projekt”, shkruan Biden-i në Twitter. “Dita e sotme, provoi sërish fuqinë e shkencës amerikane. Asgjë nuk është e pamundur”.
Congratulations to NASA and everyone whose hard work made Perseverance’s historic landing possible. Today proved once again that with the power of science and American ingenuity, nothing is beyond the realm of possibility. pic.twitter.com/NzSxW6nw4k
— President Biden (@POTUS) February 18, 2021
Mjeti me gjashtë rrota nuk do të kthehet më të Tokë. Gjithsesi, mostra të mbledhura do të kthehen në planetin blu për t’u analizuar.
Misioni u ndoq live në YouTube, kur mjeti mbërriti në orën 22 në Mars. Një video e plotë e çasteve kur hyn në atmosferën marsiane, pritet të dalë më tej.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com