Ministria e Mbrojtjes (MB) ka bërë me dije mëngjesin e 14 shkurtit për një përmirësim të kushteve në akset rrugore si pasojë e intensitetit të reshjeve të borës.
Më datë 13 shkurt si rezultat i reshjeve të borës është bllokuar aksi rrugor Milot-Lezhë. Situata ishte shumë e vështirë pasi dy kamionë ishin përplasur me njëri-tjetrin, duke bërë të pamundur qarkullimin e mjeteve”, njofton ministria. Ajo bën me dije se pas një pune të gjatë aksi rrugor është hapur me vështirësi në orët e para të mëngjesit të ditës së sotme (14 shkurt) dhe ka filluar qarkullimi i mjeteve.
Ajo shton se ditët në vijim pritet mot i kthjellët, por për shkak të temperaturave të ulëta do të ketë ngrica në rrugë.
“Si pasojë e reshjeve të borës, më 13 shkurt ka pasur bllokim të aksit rrugor Elbasan-Librazhd. Në vendngjarje kanë shkuar forca të policisë së shtetit dhe firma kontraktore, të cilat kanë punuar për normalizimin e situatës. Nga informacioni i marrë sot në mëngjes aksi rrugor është i kalueshëm pjesërisht me zinxhirë”, sqaron ministria.
Forcat e Armatosura në bashkëpunim me Policinë e Shtetit kanë rritur gatishmërinë në të gjithë vendin për t’u ardhur në ndihmë qytetarëve.
Aktualisht trupat dhe mjetet e Forcave të Armatosura janë të angazhuara në zonën e Nënshkodrës për të ndihmuar lëvizjen e qytetarëve në njësitë administrative Ana e Malit dhe Dajç. Këto zona janë të prekura nga përmbytjet.
Një borëpastruese e Detashmentit të Mbrojtjes Rajonale të Drenovës është angazhuar për pastrimin e aksit Korçë-Kapshticë.
Ministria e Mbrojtjes u bën thirrje të gjithë qytetarëve të evitojnë lëvizjet jo të domosdoshme, sidomos në akset me prani të theksuar të ngricave.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
SPAK u komunikon akuzat ish-zyrtarëve të arrestuar të Bashkisë Tiranë
-
DASH zbardh raportin e plotë për Shqipërinë – S’ka progres domethënës, probleme serioze me pavarësinë e gjyqësorit
-
Pas DASH, edhe IDM ngre shqetësime serioze për korrupsionin në Shqipëri
-
Rrëzohet kërkesa e Redi Mollës për heqjen e sekuestros për celularin e bashkëshortes
Lajmet kryesore
-
PE-ja miraton liberalizimin e vizave për poseduesit e pasaportave ilegale serbe
-
Vdekja e 3-vjeçarit nga anestezia – Grupi i mjekëve italianë do të kryejë ekspertizën
-
SPAK u komunikon akuzat ish-zyrtarëve të arrestuar të Bashkisë Tiranë
-
Liburn Aliu deklarohet për aferën me ambalazhues: Nuk lidhet emri im askund, për çfarë borxhi e kanë fjalën