Marrëveshja energjetike e Turqisë me Tripolin këtë muaj po rrit rreziqet e konfliktit të hapur midis Ankarasë dhe Athinës.
Kjo për shkak se më 3 tetor të këtij viti, Turqia nënshkroi një marrëveshje paraprake me qeverinë e Tripolit të Libisë për të kërkuar naftë dhe gaz në brigjet libaneze.
Por në marrëveshje nuk specifikohej që studimet do të kryhen në ujërat në Jug të Greqisë, ku kryeqyteti i Greqisë Athina, thotë se turqit nuk kanë të drejtë të jenë.
Ministri i Jashtëm i Greqisë, Nikos Dendias, akuzoi Turqinë se po shfrytëzon “situatën e trazuar në Libi për të destabilizuar më tej sigurinë në rajonin e Mesdheut dhe për të krijuar një hegjemoni rajonale”.
Ky pakt Ankara-Tripoli vjen në një kohë veçanërisht të ethshme, e cila komplikohet vetëm nga fakti se Greqia, Turqia dhe Qipro do të mbajnë zgjedhje vitin e ardhshëm, duke rritur rreziqet që njerëzit të mos votojnë për përzgjedhjen gjeopolitike të Mesdheut Lindor gjatë vitit 2023.
Megjithëse Greqia dhe Turqia akuzojnë rregullisht njëra-tjetrën për provokime mbi detin Egje me avionë luftarakë, retorika tani është ngjitur në nivele alarmante.
Muajin e kaluar, presidenti turk, Recep Tayyip Erdoğan, paralajmëroi se forcat e tij mund të “zbresin papritur një natë”.
Duke e interpretuar këtë si një kërcënim të drejtpërdrejtë për ishujt grekë.
Qeveria e Greqisë është gjithashtu në fushatë elektorale dhe imazhi i saj është dëmtuar së fundmi nga një skandal mbikëqyrjeje, në të cilën ajo përgjonte liderët e opozitës dhe gazetarët.
“Zgjedhjet janë të njohura për gjenerimin e debateve tepër të nxehta dhe mosmarrëveshjeve të reja”, tha ambasadori turk në Athinë, Burak Özügergin, për gazetën “Politico”.
“Vitin e ardhshëm, me zgjedhjet në rajon, ne mund të kemi thjesht një ‘stuhi të përsosur’. Vërtet duhet të jemi vigjilentë, sepse gjërat mund të dalin jashtë kontrollit shumë shpejt.”
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
