Gjykata e Gjenevës dënoi të premten manjatin izraelit të diamanteve dhe mineraleve, Beny Steinmetz. Ai u akuzua për korrupsion dhe falsifikim dokumentesh.
Steinmetz, i konsideruar si njeriu më i pasur i Izraelit, u dënua me pesë vite burg, pasi u përball me mundësinë e një dënimi dhjetë vjeçar.
Manjati 64 vjeçar ka mohuar akuzat. Akuzat datojnë nga mesi i viteve 2000 dhe përfshijnë Grupin BSGR të Steinmetz-it. Grupi akuzohet për presionimin e një rivali për të dalë nga gara për të drejtat e minierave. Minierat ndodhen në rajonin juglindor të Guineas dhe njihen për depozita të mëdha të hekurit.
Çështja u përqëndrua në pagesa të pretenduara për një ish-grua të Presidentit të ndjerë të Guinea-s, Lansana Conte. Gjatë hetimeve u ekspozuan marrëveshje dhe komplote në biznesin fitimprurës të minierave.
Gjykata e Gjenevës pretendoi se Steinmetz dhe dy të pandehurit e tjerë u përfshinë në korrupsion të zyrtarëve të huaj dhe falsifikim të dokumenteve. Veprimet e të akuzuarve kishin qëllim për t’i fshehur autoriteteve dhe bankave pagesat e ryshfetit. Disa nga fondet dyshohet se kanë kaluar në Zvicër dhe çështja është hetuar në Evropë, Afrikë dhe SHBA.
Steinmetz akuzohet se në 2005, krijoi një pakt korrupsioni me Conte-n, i cili drejtoi Guinea-n nga 1984 deri në vdekjen e tij në 2008. Pakti përfshin gruan e katërt të presidentit, Mamadie Toure, në një pagesë prej gati 10 milionë dollarësh.
Sipas burimeve zyrtare, BGSR fitoi licencat e kërkimit dhe shfrytëzimit në Guinea midis 2006 dhe 2010 në rajonin Simandou. Në këtë periudhë, konkurrenti i BGSR-së, grupi minerar anglo-australian Rio Tinto, u privua nga korriku në dhjetor të vitit 2008 nga koncesionet për minierat./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Samsung do të prodhojë gjeneratën e fundit të gjysmëpërçuesve në SHBA përpara TSMC-së
-
Sulmet kibernetike janë një kërcënim për stabilitetin financiar global, paralajmëron FMN
-
Grupet tajvaneze shqyrtojnë ngritjen e selive jashtë shtetit në rast sulmi
-
Trump Media u shpëtua në vitin 2022 nga ruso-amerikani nën hetim penal
Lajmet kryesore
-
Ekskluzive: Hajnia multi-milionëshe e Liburn Aliut dhe Naser Hafizit
-
MPB: 10 pjesëtarë të Policisë së Kosovës janë ndaluar nga Serbia, 5 ende janë në mbajtje
-
Izraeli kishte vendosur të godiste Iranin të hënën, por më pas u tërhoq
-
Shqipëria tashmë jashtë listës së vendeve në monitorim nga KiE, pas 29 vitesh