Raundi i dytë i zgjedhjeve lokale është menaxhuar mirë, kjo sipas Misionit të Vëzhguesve të Zgjedhjeve nga Bashkimi Evropian.
Shefi i këtij misioni, Lukas Mandl, gjatë konferencës për media ka bërë të ditur se ekipi i vëzhguesve të BE-së ka vizituar 269 vendvotime me ç’rast ata kanë vlerësuar pozitivisht procesin e votimit dhe më pastaj atë numërimit.
Mandl ka potencuar se fushata zgjedhore ka qenë dinamike, e gjallë, por e qetë.
“Ky ishte një proces zgjedhor i administruar mirë. Disa prej problemeve janë dobësi të vjetra që janë identifikuar edhe nga misionet e mëhershme”, ka shtuar ai.
Ai ka theksuar se edhe në këtë fushatë zgjedhore ka pasur mungesë të transparencës së financimit nga ana e partive politike.
“Mungesa e transparencës për financim vazhdoi edhe këtë fushatë. Mediat i janë përmbajtur rregullave. Për raundin e dytë u paraqitën 6 ankesa gjatë fushatës, dhe 24 për shkelje të heshtjes zgjedhore”, ka theksuar ai.
Të dielën e 14 nëntorit në Kosovë në 21 komuna nga 38 gjithsejtë u zhvillua raundi i dytë i zgjedhjeve lokale.
Kështu bazuar në rezultatet preliminare të Komisionit Qendror Zgjedhor, Partia Demokratike e Kosovës në raundin final të zgjedhjeve lokale ka fituar në pesë komuna.
Lëvizja Vetëvendosje, që në zgjedhjet parlamentare të shkurtit fitoi mbi 50 për qind të votave, në raundin e balotazhit, fitoi në katër nga 12 komunat ku ishte në balotazh.
Lidhje Demokratike e Kosovës arriti të triumfojë në pesë komuna në raundin e dytë të zgjedhjeve lokale.
Ndërsa në garën e balotazhit Aleanca për Ardhmërinë e Kosovës, fitoi në tri komuna.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Çitaku, Kurtit: Jeni zgjedhur që ta qeverisni Kosovën, jo t’i përçani shqiptarët
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova
-
Zgjedhjet në RMV, Abdixhiku: Shqiptarët u ndanë, kryeministri populist i Kosovës dhe gjithë aparati qeveritar i tij, u bënë akter aktiv
-
Mickoski e thërret Taravarin: I urova zgjedhje të suksesshme parlamentare dhe qeveri të ardhshme
Lajmet kryesore
-
Osmani shpall fitoren ndaj Taravarit me mbi 40 mijë vota dallim
-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Iran: Reperi Toomaj i dënuar me vdekje, mori pjesë në protesta
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova