Manchester City vazhdon të përforcohet në këtë afat kalimtar veror, teksa së fundmi kanë transferuar futbollistin e talentuar, Sergio Gomez.
Për këtë transferim, kampionët në fuqi të Anglisë shpenzuan 13 milionë euro në arkat e klubit belg, Anderlecht.
Sergio e filloi karrierën e tij tek të rinjtë e Barcelonës përpara se të largohej nga klubi katalanas për t’u bashkuar me skuadrën e Bundesligës, Borussia Dortmund në fillim të vitit 2018.
Let's hear from our latest arrival in his first City interview! 🎥#ManCity | @sergiogm_10 pic.twitter.com/SaEPtxUJF8
— Manchester City (@ManCity) August 16, 2022
21-vjeçari pastaj kaloi dy sezone në huazim te Huesca, duke ndihmuar klubin të fitonte promovimin në La Liga në fund të sezonit 2019/20 përpara se të bashkohej me Anderlecht-in në verën e vitit 2021.
Kujtojmë që Gomez ishte pjesë e skuadrave zinxhir të Spanjës, ku deri më tani numëron edhe nëntë paraqitje me 21-vjeçarët, ku ka shënuar gjashtë gola.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com