Finalistët e Ligës së Kampionëve Chelsea dhe Manchester City janë shfaqur si pretendentë për të nënshkruar me Robert Lewandowskin këtë verë.
32 vjeçari Lewandowski, ka një kontratë me Bayern deri në vitin 2023 dhe burimet e ESPN thanë se klubet e interesuara do të duhet të ofrojnë 60 milion € për të filluar negociatat mbi një lëvizje të mundshme.
Një nga më të mirët e të gjitha kohërave të Bundesligës, Lewandowski ka 36 gola në ligë në 31 ndeshje këtë sezon dhe po i afrohet rekordit të Gerd Muller i cili ka 40 gola në një sezon, në vitin 1971-72.
Reprezentuesi polak gjithashtu ka 272 gola të Bundesligës përgjatë karrierës së tij në Gjermani, për Borussia Dortmund dhe Bayern, dhe do të kishte rekordin e Muller prej 365 në radarin e tij nëse ai qëndron në Bayern.
Lewandowski ka lënë të kuptohet më parë se ai do ta përfundojë karrierën e tij në Bayern Munchen, por interesi nga Premier League mund ta tundonte atë në një sfidë të re.
Chelsea dhe City janë të dy në kërkim të një sulmuesi këtë verë, me Thomas Tuchel të etur për të përmirësuar opsionet e tij sulmuese pas një sezoni të vështirë debutues për Timo Werner.
Ndërsa, Pep Guardiola po kërkon të zëvendësojë Sergio Aguero në largim e argjentinasit nga Manchester City.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
