Daniel Maldini nuk pritet të jetë pjesë e skuadrës së Milan-it në sezonin e ardhshëm.
I biri i legjendës së klubit kuqezi, Paolo Maldini-t pritet të huazohet te skuadra e Veronës, por edhe Spezia ka shfaqur interesim për të.
Mediat italiane shkruajnë se huazimi do të jetë i thjeshtë një-vjeçar, pa mundësi ose obligim blerje.
Pra, drejtori sportiv i kuqezinjve kërkon më shumë hapësira për djalin e tij, i cili nuk mundi ta bënte një vend titullar në formacionin e trajnerit Stefano Pioli.
Kjo do të jetë një mundësi e mirë për të që të gjejë më shumë hapësira, për të marrë më shumë përvojë në futbollin italian.
Kujtojmë që mesfushori 20-vjeçar pati vetëm 15 paraqitje në total në Serie A, ku shënoi një gol. Ndërsa në Kupën e Italisë, Maldini luajti vetëm në dy ndeshje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com